Виторија де Гимараеш ќе биде домаќин на Тондела во Дом Афонсо Хенрикес во сабота во рамки на португалскиот шампионат. Гостите влегуваат во мечот по поразот од 2:0 од Спортинг Лисабон.
Гимараеш се врати на победничките патеки минатата сабота кога го победи Пакос де Фереира со 1:2 на Естадио Капитал до Мовел и сега сака да ги искористи проблемите на Тондела и да влезе во победничка серија.
Гимараеш сака победничка серија
По отварањето на мечот со голот на Денилсон во 34-та минута, Фереира имаше предност на полувреме со 1:0, но Оскар Еступинан и Бруно Дуарте постигнаа голови во последните 20 минути за да го свртат натпреварот и да донесат три бода за Гимараеш.
Пред тоа, тимот на Пепа претрпе пораз од Порто со 2:1 и испадна од Купот по поразот со 3:2 од Мореиренсе.
Со 19 бодови од 13 натпревари, Виторија де Гимараеш моментално е седма во табелата во Примеира, со два бода помалку од Есторил кој е на последното место кое води во Европа следната сезона. Тоа е и целта на Гимараеш која минатата сезона во последните три кола го загуби европското место иако на три кола до крајот беше речиси сигурен уесник во Европската конференциска лига.
Тондела во сериозни проблеми
На Тондела, од друга страна, му беше ускратена третата победа по ред со поразот од 2:0 против Спортинг Лисабон. На „Естадио Хозе Алваладе“, домаќинот беше надмоќен и беше само прашање со колку гола ќе слави победа. Пред тоа, Тондела славеше со 3:1 над Леихоеш во Купот и со 4:2 над Маритимо во лигата.
Имајќи 12 бода од 12 натпревари, тимот на Пако Ајестаран моментално е на 10-тото место во Примеира, израмнувајќи се со бодови со 11-тата Боависта, иако со натпревар помалку.
Додека Тондела сака брзо враќање на победничките патеки, тие се соочуваат со големи проблеми. Јота Гонкалвеш, се здоби со повреда на коленото против Есторил на 13-ти Септември и тој сеуште не е подготвен за настап. Но големите проблеми се поврзани со Ковид-19. Пет фудбалери на Тондела се позитивни на Корона и се во карантин. И ако минатото коло позитивен беше само првиот голман, сега позитивен е и вториот голман, па на голот веројатно ќе биде Филип Теар кои и со 23 години сеуште нема ниту еден фудбалски меч во својата кариера на професионално ниво.
Бабакар Мбаје, Хозе Ернандо Рио и Салвадор Агра, Алвес и Тригуеира се петката која е позитивна на Корона.
Be the first to comment