Словачка во недела попладне против Малта ја завршува квалификациската кампања за пласман на Светското првенство и е во потрага по победа со која ќе ја обезбеди третата позиција во групата Х.
Од друга страна, на Малта и треба победа за да ја осигура петтата позиција пред Кипар, нешто што може да помогне во нивната желба да бидат добро позиционирани пред идната ждрепка за наредните квалификации.
Словачка може да жали
Пред почетокот на квалификациите, Словачка имаше амбиција да обезбеди пласман на СП во Катар, особено што одиграа сосема солидно на ЕУРО 2020. И без разлика што во групата ги имаат Хрватска и Русија.
И на крај се покажа дека воопшто не требаше да стравуваат од најдобрите две селекции. Имено, Словачка ги загуби овие квалификации во дуелите со релативно послабите селекции од себе. Имаат само два порази, но и само две победи. Не успеаа да слават против Малта дома, против Кипар на гости и на двата меча со Словенија. Славеа над Русија дома со 2:1 и одиграа реми кај Хрватска 2:2, но резултатите со послабите се покажаа како клучни за Русија и Хрватска да избегаат на недостижна разлика.
Тоа на крајот ја остави екипата на Стефан Тарковиќ со девет бода заостанување од второто место, оставајќи ја Словачка да ги фокусира своите напори во обидот да го освои третото место пред Словенија.
И покрај тоа што имаат шест бода повеќе од нивните следни противници, нема да има помалце мотив во редовите на Словачка откако не успеаја да ја совладаат Малта во март и сега спремаат одмазда за тој меч.
Малта со најдобри квалификации во историјата
Малта беше веројатно пофрустрирана по тој прв натпревар во Словачка и покрај тоа што тоа реми одекна како бомба низ фудбалскиот свет. Но малтежаните беа во водство од 2:0 по само 19 минути пред да примат два гола во второто полувреме.
Но факт е дека тие уживаат во најдобрата квалификациска кампања во нивната историја и по петте бода што ги собраа пред Еуро 2008, сега имаат шанса и за подобар резултат.
Тие сега имаат една голема цел. Доколку слават победа или одиграат реми ќе имаат голема шанса во следните квалификации да добијат поповолна жрепка и барем една селекција послаба од себе. Тоа никогаш предходно не и се случило на Малта и за нив тоа би било огромен успех.
Прогноза
Мангија може да одлучи да не прави премногу измени во неговиот стартен состав на Малта, бидејќи ги одмораше играчите во второто полувреме против Хрватска. Ќе одиграат со ист состав но ниту фактот што ќе бидат поодморени не е предност за нив. Тешко е да се очекува дека можат до уште едно реми со Словачка. Словаците се во најсилниот состав и овој пат нема да го потценат домаќинот, а тоа на некој начин е гаранција за победа.
Be the first to comment