Две од последните четири екипи во Бундеслигата играат меѓусебе во последниот натпревар викендов пред репрезентативната пауза. Гројтер Фурт е домаќин на слабиот сезонава Ајнтрахт Франкфурт.
Без разлика на исходот сомаќините ќе бидат и понатаму последни на табелата, додека гостите кој претрпеа разочарувачки почеток на сезоната под водство на нивниот нов менаџер можат да напредуваат.
На Гројтер му треба чудо
Враќањето на Гројтер во првата лига во Германија не можеше да започне полошо по 10 натпревари. Имаат само еден освоен бод од нивните воведни 10 натпревари со катастрофална гол разлика од 7 постигнати и 27 примени гола.
Тоа едно реми сезонава беше постигнато во вториот натпревар, што само по себе беше разочарувачки бидејќи на домашен освоија бод против Арминија Билефелд, кои дури играа со 10 играчи во поголемиот дел од второто полувреме.
Следеа осум последователни порази за момците на Стефан Лајтл, кои можат да срушат неславни рекорди во Бундеслигата ако нешто не се промени за брзо време.
Иако ќе се обидат да уживаат во оваа прилика, во она што е само нивно второ појавување во Бундеслигата, Детелините изгледаат предодредени за истата судбина како и во сезоната 2012-13 година – брзо враќање во 2-та Бундеслигата без многу борба.
Гласнер под голем притисок да освои три бода
Очајна е сезоната и за Франкфурт кој игра под сите очекувања. Оливер Гласнер пристигна на жешкото столче летото за да го замени Ади Хутер, но поранешниот шеф на Волфсбург се мачи во Франкфурт. Замислете, екипата која минатите сезони се бореше за пласман во Лигата на Шампионите, сезонава има само една победа во лигата, која за чудо се случи на Алијанц Арената во триумфот од 1:2 над шампионот Баерн Минхен.
Откако за малку го пропушти местото во Лигата на шампионите под водство на Хатер во 2020-2021 година, Гласнер веќе го чувствува притисокот, иако е свесен дека на неговиот тим му треба само малку за да ги промени резултатите.
Тоа е затоа што шест од нивните 10 натпревари во лигата всушност завршија нерешено, што значи дека е изградена цврста одбранбена основа, но недостатокот на голови на другиот крај на теренот беше од пресудно значење за малиот број на бодови.
Дел од причината за ова може да се поврзе со заминувањето на најдобриот стрелец од минатата сезона, Андре Силва во Лајпциг во текот на летото, иако екипата нема проблем во Лигата на Европа каде е прва во друштво со Олимпијакос, Фенербахче и Антверпен – група која не е воопшто наивна.
Пред неколку дена славеа во Грција кај Олимпијакос со 1:2, па сега сите во екипата се надеваат дека конечно ќе се радуваат на две победи во низа и на три бода во Германија.
Домаќинот без речиси половина тим
Проблемот кај домаќинот не е само во слабиот ростер на тимот. Тоа е само основата – но во моментов во екипата владее КОВИД криза и пет фудбалери се позитивни. Ако на овие се додадат уште шест фудбалери кој нема да настапат поради повреда, тогаш е јасно со каков проблем се соочува тимот.
За разлика од нив, кај гостите ситуацијата е далеку подобра и најголем проблем ќе биде можниот замор по патувањето во Грција и тешкиот меч со Олимпијакос. Но мене ми изгледа дека се е подредено за победа на Ајнтрахт Франкфурт.
Be the first to comment