Троа ќе се обиде да ја продолжи својата импресивна серија во Лига 1 на Стад Болаерт-Делелис во петок навечер кога гостува кај Ленс.
Домашните моментално се на четвртото место на табелата, со 21 бод од првите 12 натпревари од сезоната, додека Троа го зазема 14-тото место со 13 бодови.
Ленс игра над сите очекувања
Ленс има шест победи, три нерешени и три порази од 12-те натпревари во Лига 1 сезонава и собра 21 бод, што ги стави на четвртата позиција на табелата, само два бода зад второпласираната Ница.
Ленс заврши на седмото место минатата сезона по нивното враќање во првата лига на Франција, и тоа беше вистинско изненадување, но сега тие имаат уште по позитивен почеток на сезоната и имаат можност да бидат уште подобри.
Ленс се мачеше да покаже доследност во последниве недели, забележа само една победа на нивните последни три натпревари, губејќи двапати на гости од Монпеље и од Лион. Меѓу овие две средби, Ленс славеше над Мец со 4:1.
И покрај поразот, Ленс беше одличен со Лион
Екипата на Франк Хаиз заостана два гола во првото полувреме на Олипискиот стадион во Лион, но воопшто не разочараа ниту во првиот дел. Им беше поништген и еден гол од ВАР во тој период. Во второто полувреме, целосно ја преземаа иницијативата и во сите сегменти на фудбалската игра го надиграа Лион. Сепак постигнаа само еден гол, за конечни 2:1.
Сега Ленс игра дома, а сезонава загуби само еднаш пред своите поддржувачи. Неодамнешните победи над Ремс и Мец, каде постигнаа шест голови, треба да значат дека самодовербата е на високо ниво пред овој натпревар.
Троа влегува во добра форма
Троа е во серија од три натпревари без пораз, што за нив е импресивна серија во која освои седум бода од нивните неодамнешни натпревари со Ница, Ремс и Рен.
Тимот на Лоран Батлес обезбеди враќање во Лига 1 завршувајќи на врвот во Лига 2 минатата сезона, победувајќи на 23 од нивните 38 лигашки натпревари за време на импресивната сезона, во која завршија со пет бода повеќе од второпласираниот Клермонт.
Троа има три победи, четири нерешени и пет порази од 12-те првенствени натпревари оваа сезона и собра 13 бода, што ги остави на 14-та позиција на табелата, со четири бода повеќе од зоната за испаѓање.
Сепак, Троа победи само на осум од нивните претходни 28 натпревари против Ленс и загуби три од последните четири средби меѓу двете екипи во сите натпреварувања, вклучувајќи го и поразот од 1:0 кога последен пат играа во 2020 година.
Троа со поголеми проблеми од Ленс
На Ленс повторно ќе му недостига Игнатиус Ганаго поради повреда на коленото, но домашните напаѓачи се во силна форма, што значи дека Хаиз треба да донесе неколку тешки одлуки.
Гаел Какута и Давид Коста беа меѓу петте играчи кои влегоа од клупата во поразот од Лион, а двојката ќе биде во игра од почеток на овој натпревар.
Сепак, Хаиз ќе биде задоволен со она што го виде од негова екипа во поразот на против Лион, така што не би било шок да се види истата 11-ка на теренот, со Весли Саид и Флоријан Сотока.
Што се однесува до Троа, на долгиот список со повреди се уште се Герсон Родригес, Јасер Ларуси, Филип Сендлер, Танги Банхи-Зукру, Флоријан Тардје, Карим Азамум и Метињо.
Гостите можеа да останат и без Тристан Дингоме, кој се запиша во листата на стрелците во ремито 2:2 со Рен минатиот викенд, но тој ќе може да настапи на овој меч.
Be the first to comment