Нема фудбалски љубител кој остана рамнодушен на првиот меч меѓи ПСЖ и Лајпциг во Париз. А сега, по неверојатната средба во Франција, Лајпциг и ПСЖ во среда навечер го играат реванш мечот, овој пат во Германија.
ПСЖ излегоа како победници со 3:2 на нивната прва средба, благодарение на одличните Килијан Мбапе и Лионел Меси. Но во Германија, на ѕвездите од Париз ќе им биде многу потешко.
Лајпциг игра под очекувањата, но …
Сезонава на Бруно Марш не беше баш розова во Лајпциг, кој остана без победа и без ниту еден бод досега во Лигата на шампионите во групата А. Прво се случи катастрофата во Англија и поразот од Сити со 6:3, па изненадувачкиот пораз од Бриж на домашен терен со 1:2, по што дојде и поразот во Париз.
Изгледаше дека избраниците на Марш ќе се вратат назад во Германија со незаборавна победа од Паркот на принцовите, бидејќи Норди Мукиеле и Андре Силва направија пресврт за водство од 1:2. Но Лионел Меси погоди двапати во вторите 45 минути за повторен пресврт, овој пат во полза на ПСЖ.
Тимот од Бундеслигата ќе ја заврши неделата на четвртото место, без разлика што ќе се случи на овој меч. Но без разлика на тоа, ако Лајпциг сака барем да продолжи во Лигата на Европа, мора да почне да освојува бодови.
Тимот на Марш го пречекува ПСЖ на Ред Бул Арената во променлива форма, бидејќи на суров начин им беа ускратени трите бода против Ајнтрахт Франкфурт викендот. Имаа сигурна победа до последните моменти кога Тута во четвртата минута од продолжението ги постави конечните 1:1. Но сега тој меч и разочарувачкото реми н емора да значат ништо, особено што овој дуел со ПСЖ е навистина од огромна важност за сите во тимот.
Покетино си тера според планот
Од друга страна ПСЖ во одлично расположение патува во Германија. Минатиот викенд играа против шампионт на Франција – Лил и победија со 2:1. Сите во ПСЖ со нетрпение го очекуваа тој меч и на крај докажаа дека минатата сезона беше само изненадување и ништо повеќе од тоа. Сепак, победата не беше лесна како што многумина предвидуваа. Покетино беше натеран да ги потроши своите фудбалери многу повеќе од планираното, откако Лил на полувренме имаше водство од 0:1. Маркињос и Ди Мариа во вториот дел се погрижија мечот да заврши според очекувањата.
На крајот на денот, позицијата на ПСЖ на врвот на табелата е единствената статистика која е важна, а тие веќе имаат огромна и комотна разлика во Лига 1. Тоа беше целта на Покетино кој сезонава е под притисок д аги освои сите трофеи. Неговата цел е до Божиќ, ПСЖ да има недостижна предност во Лига 1, како во вториот дел од сезонава би се посветил целосно на Лигата на Шампиони.
Со седум освоени бода од првите три пресметки во Лигата на шампионите, избраниците на Покетино остануваат со еден бод повеќе од Манчестер Сити на врвот во групата А.
Прогноза
ПСЖ ќе настапи без Лионел Меси на овој натпревар и тоа е главната вест во Европа пред овој меч. Тој има мала повреда и воопшто не патува во Германија. Во ПСЖ отсутни ќе бидат и Рамос, Передес и Верати. Но без разлика на тоа, нема дилема кога во прашање е квалитетот на екипите. Јасно е дека ПСЖ е фаворит според играчкиот кадар, но прашање е – Дали тоа ќе биде доволно за победа во Лајпциг? Формата е на нивна страна и на 15 натпревари сезонава во сите натпреварувања, ПСЖ забележа само две ремија и еден пораз. Лајпциг пак сезонава не е на истото ниво како предходно и е на дури 8-то место во Бундеслигата.
И традицијата е на страната на ПСЖ, но од друга страна единствената претходна средба на ПСЖ со Лајпциг на Ред Бул Арената заврши со победа на домаќините од 2:1 во ноември 2020 година, кога Емил Форсберг и поранешниот парижанец Кристофер Нкунку ја донесоа победата за Лајпциг.
Ова за мене се доволни причини да верувам во неизвесен меч, но во исто време и во голови – онака како што беше на дуелот во Париз.
Be the first to comment