Патувањето до толку посакуваната слава на ЕУРО 2020 за Англија започнува во недела на стадионот Вембли во Лондон, кога во терминот од 15:00 часот во рамки на групата Д играат против стариот непријател, Хрватска.
22.500 оптимистички поддржувачи на англиската фудбалска репрезентација ќе бидат присутни на Вембли и тоа ќе биде голем плус за домаќинот.
Слободен удар на Киран Трипиер. Необјаснивото промашување на Хари Кејн. Голот на Марио Манџукиќ – тоа се демоните од полуфиналето на СП 2018 кои ги прогонуваат англичаните. Сега се во иста група со Хрватска на ЕУРО 2020 и тоа е добра можност за реванш и покрај тоа што веќе направија мала одмазда кон Хрватска во Лигата на нациите.
Англија сака титула
Одличните квалификации значеа дека пласманот на Англија на ЕУРО 2020 никогаш не беше доведен во прашање и тие влегуваат во ова натпреварување се огромни амбиции. Многумина знаат да речат – Време е лулката на фудбалот да джподигне еден голем трофеј.
Саутгејт има одличен тим, широк ростер на фудбалери, состав добро покриен на сите позиции, со што ќе може да ја задржи свежината во своите редови. Ако на ова се додаде и домашниот терен, јасно е од каде се толку високите амбиции на Англија.
Хари Кејн имаше повторно одлична сезона, а оние младите како Рашфорд, Моунт, Санчо, Калверт-Луис и уште неколкумина, со одложувањето на Европското Првенство добија дополнително време за да ги зацврстат своите позиции во селекцијата и да стекнат дополнително драгоцено искуство.
Коцките се некако наместени во нивна корист, а Саутгејт на СП во 2018 година, докажа дека знае како да настапи во еден турнирски систем.
Англија никогаш не славела на првиот меч на ЕП
Традиционално, сепак воведните 90 минути на Европските првенства носат само несреќа за Англија. Интересно, тие никогаш не го добиле првиот натпревар на ЕУРО во девет обиди.
Сега сите во Англија веруваат дека е дојдено време да се запре таа негативна традиција и покрај тоа што играат против силната Хрватска.
Многу нешта ќе зависат о средината. Средниот ред е одличен, но тоа пред се важи за крилата. Кејн, Стерлинг, Рашфорд, Санчо и Калверт Левин се првите опции во офанзивата. Според имињата, јасно е дека Саутгејт ќе има слатки маки да го избере почетниот состав, но ќе има и мал милион опции, особено по страничните позиции.
Англија доби навремено засилување во одбраната со веста дека Хари Мегвајр се врати на тренинзите, но веројатно Саутгејт нема да ризикува на овој меч, без разлика што овој меч може да се покаже како клучен за првото место во групата. Некако се чуствова добра енергија околу оваа селекција, атмосфера на највисоко можно ниво и тоа се нешта кои се повеќе од потребни на едни вака големи натпреварувања.
Хрватска во крајно лоша форма
Хрватска, на ова Европско Првенство допатува како светски вицешампион, како сребрена од минатото Светско Првенство во Русија во 2018 година и тој факт не смее никој да го занемари, без разлика колку тој успех беше изненадување. Златко Далиќ не успеа да ја инспирира својата екипа да ја задржи таа величествена серија во последните 12 месеци.
Карираните доживеаја неколку неочекувани порази во квалификациите за ЕП 2020, но на крајот успеаја да се пласираат на турнирот.
За нивната последна кампања во Лигата на нации, подобро да не се зборува, иако тие беа група со Франција, Португалија и Шведска. Имаа само една победа од шест меча и тој резултат беше окарактеризиран како катастрофа во земјата. Она што загрижува е фактот што на последните девет средби, Хрватска има сао две победи и тоа над слабите Малта и Кипар во Март во квалификациите за СП кога загубија од Словенија.
Очекувањата беа дека пред турнирот формата ќе се подобри, но тие во подготвителните дуели одиграа 1:1 со Ерменија и загубија од Белгија со 1:0.
Хрватите сепак имаат одлични индивидуи
Во изминатите три години, Хрватска мораше да направи делумна промена на генерациите – никогаш лесна задача за земја со толку мал фонд на фудбалери. Ситуацијата е тешка по ненадејното меѓународно пензионирање на Иван Ракитиќ во септември минатата година, кој ги следеше напаѓачот Марио Манџукиќ и голманот Даниел Субашиќ. Сепак, предводена од Лука Модриќ, Хрватска повторно има селекција за секоја почит.
Некои членови на тимот веќе покажаа голема зрелост, особено чуварот на мрежата на Динамо Загреб, Доминик Ливаковиќ. Мислав Оршиќ од Динамо има неверојатен напредок и го сврте вниманието на фудбалска Европа по неговиот неверојатен хет-трик со кој го исфрли Тотенхем од Лигата на Европа. Најважно пак е тоа што Модриќ, капитенот, се уште игра на највисоко ниво по уште една добра сезона во Реал Мадрид.
Прогноза
Никој не може да биде фаворит на Вембли. Фаворит секако е Англија и тоа поради мал милион причини. Но кога во прашање е Хрватска и нивните настапи на големите турнири, тогаш сите опции се во игра. Ова е еден навистина тежок меч за да се прогнозира.
Беа во иста група во Лигата на Нации овие два тиа, а тогаш Англија славеше на овој ист стадион со 2:1 и целонсо ги надигра коцкестите. Во Загреб пак беше 0:0 во еден крајно израмнет меч. Според се, Англија би требало да слави победа.
Сепак коеициентот за единица е неочекувано мал и е неисплатлив за ризикување кога во прашање е еден ваков меч. Можеби најдобро е да се искомбинира некој тип, но јас очекувам дека хрватите ќе дојдат барем до еден гол, а коефициентот за ГГ е навистина добар.
Be the first to comment