Од ситуација во која не им се даваа речиси никакви шанси за пласман во плеј-офот, Барнсли сега се наоѓа во позиција од која може да го нападне дури и второто, третото место на табелата. Во сабота се домаќини на Шефилд Венсдеј кој пак се бори за опстанок во Чемпионшип.
Двете екипи влегуваат во овој натпревар од различни краеви на табелата и со целосно различна форма, па според сите показатели треба да се случи чудо за гостите да останат непоразени во Барнсли.
Барнсли изгледа незапирливо
Барнсли ја продолжи својата серија без пораз на 12 натпревари, откако во средата вечерта победија со 1:3 на гостувањето кај Вукомб.
Францускиот менаџер Валерин Исмаел прави чуда со Барнсли уште од неговото пристигнување во октомври, победувајќи на 19 од неговите 30 натпревари и водејќи го клубот кон пласман во топ-шест на табелата.
Начинот на игра како и формацијата останаа слични, но очигледни беа промените во пристапот. Сега екипата има 11 победи и едно реми на последните 12 средби и од оваа преспектива тие сега можат да си обезбедат дури и лесен пат во плеј-офот доколку завршат на трето или четврто место. Одалечени се осум бода од вториот Ватфорд и е нереално да се очекува дека ќе го стигнат, но како добро игра Барнли не може ниту да се тргне на страна таа варијанта.
Мал проблем на овој меч е што нема д аигра капитенот на тимот Моват, но Валери има добри опции во средината и не би требало претерано да се почуствува неговото отсуство.
На Шефилд му треба чудо за опстанок
Шефилд Венздеј ја заврши серијата од седум порази по ред во првенствената лига со ремито од 1:1 на домашен терен против Хадерсфилд во средата вечерта.
Сепак, неуспехот да се победи створи сериозни проблеми. Не само што не успеаа конечно да победат, туку одиграа слабо и можат да бидат задоволни и со тој еден освоен бод. Им треба чудо за да се спасат. Со освоени само 29 бода, веќе заостануваат со девет бода од Бирмингем кој е на последното безбедно место.
Дарен Мур и неговите фудбалери имаат само уште девет натпревари за да избегнат испаѓање во третото ниво за прв пат од сезоната 2011-12 година.
За овој меч тие се надеваат на традицијата. Барнсли славеше на првиот меѓусебен дуел сезонава со 1:2, но пред тоа Барнсли немаше победа на 12 меѓусебни натпревари против Шефилд.
Be the first to comment