Стартуваат плеј-оф натпреварите за пласман во англиската Премиер Лига. Кардиф е домаќин на Фулам во натпревар кој се очекува да биде доста интересен и неизвесен. Но јас верувам дека патникот во финалето ќе биде решен на возвратниот меч во Фулам.
Кардиф веќе го направи невозможното
Кардиф стигна до плеј-офот за пласман во Премиер Лигата со удобна победа од 3:0 над екипата која заврши на дното на табелата, Хал во средата вечер. Раниот погодок на Hoуниор Хоилет им ја донесе предноста на „Сините“ и се потоа беше многу полесно.
Пласманот на една од првите шест позиции изгледаше крајно нереално и малку веројатно кога Харис го презеде кормилото на тимот од главниот град на Велс во ноември, кога Кардиф беше на 14-то место на табелата. Сепак, само Лидс, Брентфорд и Фулам собраа повеќе бодови од „Сините“ на за време на 30 натпревари под водство на Харис ( 14 победи, 10 нерешени средби и само 6 порази ).
Говорејќи по натпреварот во средата, Харис призна: „Заслугата е на фудбалерите. Тоа е огромно достигнување. Има мал притисок врз нас, но има огромен притисок врз Фулам, тим кој треба да биде во Премиерлигата со парите што ги потрошија“.
Фулам во довра форма во добро време
Фулам ја заврши својата редовна сезона со реми 1:1 кај Виган. Се наоѓаат во добра серија и се надеваат дека таа форма дојде во најдобро време за тимот, пред плеј-офот. Имаат пет победи и две ремија на последните седум средби. Фулам е фаворит на овој меч. Но Фулам беше фаворит и за директен пласман во Премиер лигата, но заврши на 4-то место. Ако не обезбедат експресно враќање во елитата, постои опасност да останат без своите најдобри играчи. А тие зачуваа голем дел на фудбалери и од минатата сезона кога играа во Премиер Лигата. Имаат одлични фудбалери, иако многу нешта зависат од Митрович кој сезонава постигна 26 голови. Но тука се и Кнокает, Рид Боби, Карнеј, Одои … Се на се еден тим кој може да игра и во Премиер Лигата.
Паркер сепак е сигурен во својата екипа: „Мислам дека бевме добри. Да се дојде до крајот на сезоната на ваков начин со добра серија е нешто и тоа како позитивно за нас. Загубивме два натпревари на несреќен начин, но се вративме посилни токму кога тоа беше најпотребно. Чуствувам дека сме непобедливи сега. Влегуваме во плеј-офот во добра форма и со голем интензитет“.
Be the first to comment