Лига на Шампиони – Група Е: Наполи е трет, но има најлесна задача

Во Групата Е од Лигата на Шампиони само едно нешто е јасно – Генк ќе го одигра последниот натпревар сезонава во Европа. Останатите три екипи имаат можност за пласман во следната фаза од Лигата на Шампиони. Таму ќе напредуваат две од нив, а една екипа ќе продолжи во Лигата на Европа. Наполи има најлесна задача, додека Салзбург и Ливерпул во директен дуел ќе одлучуваат за многу нешта.

Наполи – Генк

Јасно е дека на Наполи му треба победа и би требало да дојде до три бода. Игра на домашен терен и реално е далеку поквалитетен тим од Генк. Впрочем, Наполи во Серија А е очаен, но во Лигата на Шампиони сеуште нема пораз и досега забележа две победи и три ремија. Има два бода повеќе од Салзбург и еден помалку од Ливерпул кој е лидер, па може и со бод да обезбеди пласман во следното коло. Но тие не смеат да остават ништо на случајноста и ќе атакуваат на цел плен. Освен тоа Анчелоти е без отказ во тимот кој нема победа на девет натпревари по ред во сите конкуренции, а Генк е одлична шанса за конечна победа.

Генк има само еден бод и тоа токму против Наполи на домашен терен играјќи 0:0. Тие немаат можност за напредок ниту во Лигата на Европа, па ова за нив ќе биде простување од Европа сезонава. Има и најави дека во тимот ќе се најдат и некои помлади фудбалери.

Тука пред се се наоѓа името на голманот Вандеворд кој има 17 години. Тој ги одигра последните два меча за Генк во домашниот шампионат и има најава дека ќе стартува и против Наполи. Со тоа, Вандеворд ќе го урне рекордот на Буфон и ќе стане најмладиот голман кој настапил за својот тим во еден натпревар од Лигата на Шампиони. Но тоа, повторно на некој начин ќе биде предност за Наполи.

Наш предлог:

Полувреме / крај 1-1 @ 1.57 во Bet365

РЕГИСТРИРАЈ СЕ НА BET365

Салзбург – Ливерпул

Ова е секако поинтересниот и попривлечниот натпревар од оваа група. Ливерпул е речиси сигурен патник во следната фаза. Теорија, бидејќи Ливерпул треба да загуби од Салзбург, а Наполи да слави над Генк. Тимот на Клоп има 10 бода на лидерското место, но има послаба гол разлика од Салзбург. Освен тоа, Ливерпул славеше во меѓусебниот дуел, но со 4:3. Тоа значи дека доколку на крајот одлучува меѓусебниот дуел, тоа значи дека Ливерпул не смее да загуби со повеќе од еден гол, а треба да постигнува голови на гости бидејќи ие на домашен терен примија три гола.

Ливерпул ќе има тешка задача. Салзбург е вториот најефикасен тим сезонава во Лигата на Шампиони со 16 голови. Само Баерн Минхен има постигнато повеќе голови од нив, вкупно 21 гол. Офанзивниот пристап на тимот од Австрија е гаранција за ефикасни натпревари. Освен тоа, тие го имаат и вториот најдобар стрелец сезонава, Халанд со осум голови на пет натпревари. И не само тоа, Салзбург ротираше минатиот викенд во австрискиот шампионат со составот па сега нивните фудбалери ќе бидат многу посвежи од оние на Клоп.

Но Ливерпул создаде огромна предност во Премиер Лигата и сега целосно ќе биде насочен кон овој нтпревар. Ниту Ливерпул не знае да игра дефанзивно, а кога двете екипи се офанзивни не можеме да очекуваме ништо друго освен вистинска голејада.