Лестер од третото место на табелата во Премиер Лигата влегува во овој меч против Њукасл кој е 17-ти. Играта па и резултатите на двата тима сезонава не може да се спореди, па затоа очекувам победа на домаќинот.
Лестер е фаворит во секој поглед
Можеби само шест натпревари се малку за да се знае кој е кој сезонава, но табелата не лажи – лисиците се многу подобра екипа и ќе завршат на многу подобра позиција на крајот.
Понекогаш кога ги пишувам овие анализи, наоѓам информации што ја осудуваат мојата проценка. Но такви информации постојат секогаш. Сега, во оваа прилика јас сум решен да најдам начин да ги поддржам домаќините кои играат за неколку нивоа подобро од Њукасл.
Лестер загуби само еднаш и тоа на „Олд Трафорд“, додека на домашен терен освоија седум поени од можни девет, вклучувајќи ја и победата над Спарс минатиот викенд. Њукасл пак, како тргна сезонава веројатно ќе се бори за опстанок, а тие бодови треба да ги бара дома или против екипи од својата класа.
Њукасл игра како без среден ред
Њукасл сезонава пак победи само еднаш. Интересно, но тие славеа токму протв екипата од која Лестер единствено загуби – Тотенхем. Но ако го тргнеме настрана тој меч, сезонава досега за Њукасл е благо речено мизерна.
Тие не успеаја да ги совладаат ниту Брајтон и Вотфорд на домашен терен, а овие две екипи изгледаат како печени за испаѓање сезонава. Освен тоа беа тешко поразени од Норвич и тоа со 3:1. Но она што повеќе загрижува кај Њукасл е нивната игра. Речиси на секој меч имаат црна дупка, а тоа е неприфатливо за екипа од Премиер Лигата.
Минатата сабота тие веројатно требаше да загубат и од Брајтон кој имаше дури 71% посед на топка, а менаџерот Стив Брус го призна тоа и наведе дека се среќни со бодод. Проблемите во организацијана на нападите кај Њукасл се огромни, а очигледно е дека Брус неможе да најде решение за тоа. И кога ќе дојдат некако до шанса, не знаат да ја искористат и можат да се надеваат само на среќата против Лестер и на ништо друго.
Мадисон ќе го пропушти овој меч
Лестер го има еден од најдобрите во лигата сезонава, Џејмс Мадисон, но тој се повреди оваа недела и можеби нема да игра.
Ова е точно видот на информации што ги споменав – Мадисон е еден од најдобрите играчи на „Лисиците“ и игра влијателна улога во нивниот напад. Но сепак и покрај оваа информација која оди против моето размислување за овој меч, односно победа на Лестер, јас верувам дека тука ќе биде Ајозе Перез кој ќе сака да заблеска против неговиот поранешен клуб.
Прашање е кој би играл „во дупката“ помеѓу средниот ред и нападот. Кој и да игра, ќе има задача да го пронајде Варди, напаѓачот кој постигна осум гола на неговите девет последни натпревари на домашен терен во Премиер лигата.
Можеби Ори Тилеманс ќе стартува нешто поофанзивно, на местото на Мадисон, а тој знае да додаде топка на вистинско место и во вистинско време.
Be the first to comment