Купот на Африканската нација започнува во петок, 21-ви јуни. Овој пат за разлика од предходните изданија на овој турнир имаме два-три јасни фаворити. Прв фаворит е домаќинот Египет за кого коефициентот за да го подигне пехарот е 6.00.
Како ретко досега се сложувам со букмејкерите и очекувам тие да го подигнат трофејот во Каиро на 19-ти јули. Вториот фаворит и според букмејкерите и според мене е Сенегал за кого коефициентот е 7.40. За третиот ќе разговараме нешто подоцна.
Домашниот терен е огромна предност во Африка
Историски гледано, домаќините во Африка имаат посебна предност. 11 од претходните 31 победник на овој турнир играа на домашен терен. Сепак, само еден од последните седум домаќини беа победници, а тоа беше токму Египет. Тие освоија трофеј последен пат кога земјата беше домаќин на настанот во 2006 година, а тогаш Египед имаше далеку послаба репрезентација од сега.
Египет е најтрофејната селекција на Африканскиот Куп на Нации. Тие досега освоиле седум титули, вклучувајќи и хет-трик на триумфи во не толку далечното минато (2006, 2008, 2010). Со најдобриот играч на континентот, Мохамед Салах, кој е свеж и сеуште желен за игра и покрај тешката сезона со Ливерпул, тие имаат огромна предност, а со тоа статусот на фараоните како фаворити се оправдува во целост.
Сенегал добро покриен на сите позиции
Сенегал пак од друга страна според ФИФА ранг листата е најдобриот тим во Африка. Од таа гледна точка јасно е зошто тие се втори фаворити на натпреварувањето. Тие се 22-ри на ФИФА ранг листата. Оваа селекција дојде на турнирот со одлични шест победи во пријателски натпревари и квалификациите од октомври минатата година. Лајанс од Теранга можат слободно да се пофалат со најдобра и најсмртоносна офанзивна линија од било кој друг тим во Африка. Ако Египет го има Салах, Сенегал го има Садио Мане, кој за разлика од неговиот клубски колега има далеку посилни колеги во репрезентацијата. Со него во офанзивата е дуото од Франција, Исмаила Сар и Мбај Нијанг, кој ќе бидат страв и трепет за противничките дефанзивци.
Освен нападот, Сенегал може да се пофали и со одличен среден ред. Тие имаат неверојатна цврстина со фудбалери прекалени низ фудбалска Европа и тоа во најсилните фудбалски лиги – Премиер Лига, Ла Лига …
Кулибали пак додава сигурност во одбраната, со што само го комплетира одличниот ростер на фудбалери кои ги предводи домашниот селектор Сар.
Алжир е потценет од букмејкерите, но за мене е на исто рамниште со Египет и Сенегал
Зад првите два има еден куп репрезантации кои се горе долу со сличен квалитет и со коефициент за победа од 7.00 до 19.00. Тука пред се мислам на Гана, Брег на Слоновата Коска, Нигерија, Мароко, Камерун и Тунис. Сите шест селекции си имаат свои предности, но само една селекција има доволен број на издвоени квалитети кои може да ги фаворизира во однос на Египет и Сенегал.
Тоа е селекцијата на Алжир. Но тие и покрај тоа што имаат солиден тим не ја поминаа групната фаза од Купот на Африка во 2017 година и не успеаја да се квалификуваат на минатогодишното Светско Првенство.
Но во последниве месеци, тие создадоа добар импулс. Нивната квалификациска победа од 4:1 во Того минатиот ноември беше пресвртна точка за оваа група на играчи под водство на големиот мотиватор Џамел Белмади. Сега тие се без пораз на пет натпревари во кои забележаа три победи и две ремија. Проблемот на Алжир е што во тимот имаат премногу солисти. Но конечно, играчите веројатно сфатија дека само со тимска игра и со напорна работа ќе имаат шанса да го исполнат својот потенцијал.
Има многу талент во алжирските редови. Централниот напаѓач Аиса Манди и играчот од средниот ред Фегули, се наоѓаат во најдобрата фаза од нивните кариери. Десен бек Јучеф Атал беше еден од најдобрите играчи на неговата позиција во Лига 1 оваа сезона. Првотимецот на Порто, Јакин Брахими како и Бенталеб се неверојатни секогаш кога играат за селекцијата. Ако на овие се додадат првите ѕвезди на тимот, тогаш факт е дека селекцијата поседува огромен талент.
Ги имаат Марез и Брахими, како и најдобриот голгетер во светот Бундеџа
Ријад Марез ќе сака да ги надомести минатите разочарувања во дресот со националните бои. Багдад Бундеџа постигна девет гола во последните десет натпревари за Алжир. Тој е прв стрелец во Светот со постигнати неверојатни 39 гола на само 22 натпревари сезонава за Ал Сад од Катар. Тајното оружје на Алжир пак е Енди Делорт. Роден во Франција, тој изрази интерес да игра за Алжир во месец април и веднаш доби повик од селекторот. Тој е еден од најдобрите напаѓачи во Лига 1 оваа сезона и постигна 14 гола на кои додаде седум асистенции.
Делорт има потенцијал да биде сериозна закана ако биде во тандем со Бундеџа или пак ако биде негова замена.
Тука некаде е и Гана која според букмејкерите е трет фаворит со коефициент колку што има и Сенегал – 7.00, но јас не се слагам со тоа. Коефициентот дека Алжир ќе стане шампион е дури 13.00 и тоа за мене е многу подобар залог.
Be the first to comment