Македонскиот репрезентативен капитен Кирил Лазаров, заедно со Уве Генсхајмер и Микел Хансен, е втор фаворит за наградата „најдобар стрелец“ на Светското првенство во ракомет, кое од овој четврток ќе се игра во Германија и Данска.
Пред Лазаров се наоѓа само најдобриот ракометар на Норвешка, Сандер Сагосен, а зад него се Никлас Екберг од Шведска, Размус Шмит од Данска, Златко Хорват од Хрватска.
Десниот бек на Македонија на секое големо натпреварување е меѓу најдобрите голгетери, а зад неговото име стои и рекордот на постигнати голови во историјата на еден светски собир. Истиот датира од 2009 година во Хрватска кога Лазаров оствари скор од 92 погодоци на девет одиграни натпревари.
Be the first to comment