„Франс Фудебал“ вчера ги објави номинациите за „Златната топка“, најпрестижната награда за најдобар играч во светот.
За прв пат после долги години еден од првите фаворити не е Лионел Меси, овој пат главен конкурент на Кристиано Роналдо ќе му биде Лука Модриќ кој ги собра сите претходни индивидуални награди за оваа година.
Сега според обложувалниците Хрватот е и главен кандидат за освојување на „Златната топка“.
Доколку сакате да се обложите на Модриќ во обложувалницата bet365 ќе добието коефициент 1.53. Зад него следи Роналдо со 3.25, на третата позиција е Килијан Мбапе со 10.0.
Обложувалниците не веруваат премногу во Гризман и Меси кои добија по 13.00, односно 15.0 коефициент, а Мохамед Салах кој беше најдобар играч во Премиер лигата има коефициент 26.0.
Наградата ќе биде доделена на церемонијата во Париз на 3-ти декември, а најдобриот ќе го изберат 176 новинари и експерти од целиот свет.
Be the first to comment