Англиската Чемпионшип има репутација на возбудлива лига, на непредвидливи резултати, а оваа сезона се чини дека ќе биде уште понеизвесна од вообичаеното.
Сезонава нема јасен фаворит за директна промоција, а не пак за титулата. Нема ниту јасни фаворити за пласман во плеј-офот бидејќи многу екипи се со израмнет квалитет.
Мидлзборо има најкомпактен тим
Можеби еден од главните фаворити ќе биде тимот на Тони Пулис, Мидлзборо. Екипата е подобро поставена од било која екипа во лигата, има добри поединци и јасно е дека целта е титула сезонава. Откао дојде на Риверсајд во декември минатата година, Пулис го предводеше Боро до плеј-офот со 11 победи од 22 натпревари. Поголемиот дел од таа екипа останува непроменета, вклучувајќи го и експлозивниот Адама Траоре. Со две одлични засилувања како Аден Флинт и Педи Мекнаир кој дојдоа од Бристол Сити сега тимот доби на цврстина. Боро можеби имаше мешана предсезона, но изгледа дека има најкомплетна екипа во лигата како и најискусен тренер.
Нотингем Форест потроши најмногу на засилувања
Минатата сезона Вулверхемптон се прошета во лигата и на убедлив начин избори пласман во Премиер игата. Тогаш Вулфс потроши еден куп пари, донесе фудбалери кои имаат искусто и во Лигата на Шампиони и заслужено обезбеди пласман во елитата. Тимот кој најмногу одговара на Вулфс од минатата сезона и на неговата политика, ова лето е Нотингем Форест. Со помош на грчкиот магнат Евангелос Маринакис, популарните Шуми потрошија највеќе летово, или повеќе од 25 милиони фунти за засилувања. Еден од најскапите фудбалери дојде од Бенфика и тоа играчот за врска Жоао Карваљо. Тука е и крилото Диого Гонсалвес. Сега прашање е дали тие ќе бидат следниот Рубен Невес или Диого Јота? Можеби, но дури и ако тие не се снајдат најдобро, тука се останатите засилувања. 30-годишниот алжирски репрезентативец Хилал Судани и одличниот Луис Грабан. Нотингем го победи Борнемут во пред сезоната како и Малага и сега очекувањата се високи за тимот на Аитор Каранка и тоа сосем очекувано.
Сток сака експресно враќање во Премиер Лигата
Стоук Сити е уште еден клуб кој ќе се бори за пласман во Премиер Лигата, односно за експресно враќање таму. Тимот заврши на 19-то место во Премиер лигата минатата сезона, но е тим со огромно искуство. Тие ги изгубија само Џердан Шаќири и Рамадан Соби, а го врзаа со нов договор Џо Ален до 2022 година. Сопственикот Питер Коутс исто така го регрутираше Гери Роует, кој дојде од Дерби. Нивните играчи, Том Инс, Беник Афобе и Џејмс Меклин, можат да бидат клучни за нивниот успех сезонава. Во буквална смисла оваа екипа на Стоук е речиси вообичаена за нив од изминатите сезони, само што сега ќе играат еден ранг пониско.
ВБА е речиси истиот тим од минатата сезона
Вест Бромвич Албион исто така има солиден кадар, доволно добар за пласман во елитата. Откако минатата сезона испаднаа од Премиер Лигата тие многу брзо го изгубија голманот Бен Фостер и клучната централна фигура во одбраната Џони Еванс. Оттогаш, Мур нема сериозни проблеми со губење на играчите. Фостер беше заменет со Сем Џонстон, кој импресионираше на позајмица во Астон Вила минатата сезона, а Кајл Бартли беше донесен од Свонси како замена за Еванс. Мур може да изгуби повеќе играчи – од Саломон Рондон до Крег Досон – но сепак има силен состав на располагање. Вест Бром остана без пораз во пред сезоната и ако тие можат да ја пренесат таа форма во новата сезона (не е мала задача со неискусен менаџер) тие имаат добри шанси за експресно враќање во елитата.
Лидс со Биелса може да биде и чудо, но и срам
Марсело Биелса, Ел Локо, човекот што го инспирираше Пеп Гвардиола и ги разниша физичките граници на голем број играчи со неговиот интензивен притисок, дојде во Лидс Јунајтед. Аргентинецот почна внимателно во Лидс, сметајќи пред се на фудбалерите кои беа во тимот и минатата сезона. Единствени засилувања во тимот се Бари Даглас и Патрик Бамфорд кои се тестирани во шампионатот и брзо ќе се вклопат во екипата. Кредитите на играчот од Челзи Луис Бејкер и крилото Џек Харисон од Манчестер Сити се сеуште големи, но на нив веќе се гледа со цинизам кој виси во воздух по разочарувачката мината сезона. Биелса сепак мора да ја освои довербата на навивачите. Проектот може да експлодира во било која величина или срам, но нема сомнеж дека Лидс ќе биде тим кој ќе биде следен со уживање. Во секој случај, може лид тим предводен од Биелса да не биде меѓу фаворитите или барем меѓу потенцијалните изненадувања !?
Be the first to comment