Црна Гора се наоѓа во групата Ц, заедно со Македонија, Словенија и Германија и е голем аутсајдер. Оваа репрезентација сеуште ја бара својата прва победа на Европските првенства и тешко дека ќе ја забележи во Хрватска.
Црна Гора сеуште без победа на Европските првенства
Европското Првенство во Хрватска ќе биде четвртото севкупно и трето последователно првенство за Црна Гора. Сепак, тие се уште ја чекаат својата прва победа на Европските првенства извлекувајќи еднаш нерешено и губејќи 11 натпревари.
Со поискусен тим од пред две години во Полска, селекторот Драган Ѓукиќ не само што ќе се обиде да ја постигне првата победа и да обезбеди пласман во следниот круг, туку и да биде еден од изненадувањата на турнирот. Тимот е сместен во групата Ц и нивниот прв натпревар е на 13-ти јануари против бранителот на трофејот Германија, пред да се соочат со Македонија на 15-ти јануари и со Словенија на 17-ти јануари.
Ростер
Ѓукиќ има мешавина на искусни и млади ракометари. Во споредба со квалификациите има само едно ново име – Стеван Вујовиќ. Најискусен е капитенот и голманот Раде Мијатовиќ, единствениот играч кој беше дел од тимот на сите три претходни првенства. Но главниот столб на Црна Гора, Вуко Борозан е повреден.
Играчот Вардар се повреди пред Божиќ во сообраќајна несреќа и тој нема да настапи на турнирот. Ѓукиќ рече дека ќе го чека Борозан до последен момент, нагласувајќи дека тој може да го искористи левиот бек како замена во дел од натпреварите, но јасно е дека Црна Гора има сериозен проблем во нападот.
Напад
Отсуството на Борозан претставува голем предизвик за нападот на Црна Гора, кој се потпира на неговата моќ. Тој постигна дури 50 гола во квалификациите, речиси една третина од сите голови на Црна Гора (158) во групата.
Во отсуство на Борозан одговорноста за голови најверојатно ќе биде дистрибуирана до останатите бекови на левата и централната позиција. Особено на Васко Севаљевиќ (22 гола во квалификациите), но и младиот Милош Божовиќ, кој постигна шест гола во решавачкиот квалификациски натпревар против Русија (27:27) докажувајќи го својот голем потенцијал.
Левото крило Милош Вујовиќ (18 гола во квалификациите) е првиот и сигурен избор на неговата позиција, како и Немања Грбовиќ кој треба да се опорави од повредата. На десната страна тука е Владан Липовина како и Стефан Кавор кој најчесто го делат времето на десната страна во нападот. Најголем проблем во нападот во квалификациските натпревари беше ефикасноста на десните крила кои постигнаа вкупно девет гола.
Одбрана
Одбраната 3-2-1 сеуште е столбот на црногорскиот тим – исто како што е веќе една деценија, нешто што го практикуваа до пред неколку години повеќето репрезентации од поранешна Југославија. И покрај тоа што Црна Гора имаше најлоша одбрана во својата квалификациска група (28 постигнати гола во просек). Двата најважни резултати беа тие кога играа одлична одбрана: победа од 28:24 против Шведска и 27:27 против Русија.
Добра вести за Црна Гора и нивната одбрана е враќањето на младиот и многу талентиран голман Небојша Симиќ, кој одлично игра во својата прва сезона во Германија.
Тренер
Драган Ѓукиќ ја презеде селекцијата во ноември 2016 година во тежок момент. Црна Гора изгуби од Шведска и одигра реми со Русија во првите два меча од квалификаци, а некои играчи (Вуко Борозан, Владан Липовина, Небојша Симиќ) не беа сигурни дали ќе ја продолжат кариерата во националниот тим.
Ѓукиќ ја реши ситуацијата и му ја врати потребната хармонија и хемијата на тимот, а со тоа ги постигна резултатите што ја доведоа Црна Гора до ова првенство. Како поранешен селектор на Јордан, Македонија, Швајцарија, Велика Британија (ја водеше селекцијата на Олимпијадата во Лондон во 2012) и Израел, Ѓукиќ има големо искуство кога станува збор за водење на националните тимови, иако ова Европско Првенство ќе биде негово прво искуство на континенталните шампионати.
Предвидување
Во групата Ц, Црна Гора се соочуваат со бранители на првенството Германија, Словенија и Македонија. Тие имаат забележано победи против силни репрезентации како Шведска, Германија, Чешка и Исланд. Но, сите тие победи дојдоа во различни времиња со доволно време да се подготват за нив и физички и психички. На ниво на турнир приказната е поинаква. Пребројувајќи ги изминатите три настапи на европските шампионати, како и Светското првенство 2013 во Шпанија, Црна Гора забележа само една победа на 19 натпревари. Оттука, првата цел на тимот е да забележи барем една победа која веројатно ќе им обезбеди место во главниот круг и тоа веќе ќе се смета за огромен успех. Според нив, натпреварот со Македонија на 15-ти јануари е најголема шанса да се направи тоа.Регистрирај се на 10Bet
Црна Гора е аутсајдер на шампионатот
Според оваа анализа Црна Гора е аутсајдер на ова првенство, а со таквото размислување се сложуваат и букмејкерите. Според нив Црна Гора е најслаба на првенството и коефициентот за тоа дека ќе стане шампион е 1001.00 во 1xBet. Тоа е највисок коефициент на овој шампионат, односно двојно поголем од вториот аутсајдер, Австрија. Коефициентот за тоа дека Црна Гора ќе заврши прва во својата група е 51.00.
Наш предлог:
1 Trackback / Pingback