Големи спортски настани не очекуваат во 2018 година: Европско првенство во Ракомет, Зимските олимписки игри во Јужна Кореја, Светското фудбалско првенство во Русија … Годината започнува со Европското првенство во ракомет, Африканскиот Куп на нации, Австралискиот Опен и многу фудбал во најголемите европски лиги.
Ако сте љубители на спорт, нема причина да се плашите од ладните денови во Јануари. Постојат многу добри (спортски) причини да уживате пред малите екрани, бидејќи во првиот месец од годината има еден куп спортски случувања.
Финалето на Светското првенство во Пикадо ќе се одигра на 1-ви јануари. Тука секако уште во првиот ден од годината, како по обичај има и фудбал во Премиер Лигата. Најдобрите англиски тимови дури и играат секој ден од 1-ви до 4-ти Јануари. Италијанската Серија А има натпревар на 5-ти јануари, а шпанската Ла Лига стартува веќе од 6-ти јануари.
За нас тука во Македонија, секако дека фокусот ќе биде најмногу насочен кон Европското првенство во Хрватска, кое се игра од 12-ти до 28-ми Јануари. Исто така доста возбудливо ќе биде и во Африка. Африканското фудбалско првенство на нации во Мароко стартува на 13-ти јануари.
Само два дена подоцна ќе започне Австралија опен, каде што според сите очекување ќе следиме еден доста неизвесен тениски турнир.
Во Јануари ќе има уште многу спортски случува, но овие се оние кои го привлекуваат вниманието. Според тоа како ќе стартува годината, дефинитивно можеме да очекуваме спортска 2018 година.
Be the first to comment