Во дербито на денот во недела играат Монако – ПСЖ, но рамките на 14-то коло на Лига 1. Монако е втор, а ПСЖ е прв на табелата но и покрај тоа гостите се апсолутни фаворити. Во Монако ситуацијата не е баш најсјајна по дебаклот во Лигата на Шампиони и за нив овој меч доаѓа во непосакуван момент.
ПСЖ е супериорен сезонава на сите фронтови
Иако станува збор за вистински дерби меч во Лига 1, меч помеѓу прво и второ пласираниот тим на табелата Монако – ПСЖ, коефициентот за двојка е само 1.57. Тоа на најдобар можен начин ја објаснува супериорноста на ПСЖ во однос на останатите тимови во Франција. Од стартот на сезоната ПСЖ нема доживеано ниту еден пораз во сите конкуренции каде што се натпреварува. Во Лига 1 има 11 победи и две нерешени резултатии тоа против Марсеј и Монпеље. Во Лигата на Шампиони има пет победи од пет натпревари. Пред стартот на сезоната го освои и Супер купот на Франција со победата од 2:1 токму над Монако. Се на се серијата на ПСЖ сезонава е неверојатна, со 17 победи и само две ремија, со 69 постигнати и само 11 примени гола. Тоа во просек значи дека екипата во просек постигнува по 3.63 гола по натпревар.
Најдобар напад во Топ 5 лигите во Европа
Натпреварот во средата против Селтик во Лиграта на Шампионите и неверојатната победа од 7:1 беше најнова демонстрација на сила. Демонстрација на фактот дека сега тие се несомнено еден од најдобрите тимови во Европа. Тоа беше и доказ, дека го имаат најдобриот напад на стариот континент. Триото Кавани, Нејмар, Мбапе функционира неверојатно и за многу кратко време ќе го надмине познатото трио на Барселона – МСН. Тие функционираат како да играат заедно со години наназад и ПСЖ во Лига 1 веќе постигна 43 гола, повеќе од сите тимови во Топ 5 лигите во Европа. Според сите показатели на дуелот Монако – ПСЖ, голгетерската серија на триото треба да продолжи.
Навивачите на Монако незадоволни по дебаклот во Лигата на Шампиони
Дваесет и четири часа пред мечот на ПСЖ со Селтик, во Монако ситуацијата беше спротивна. Монако го пречека германски Лајпциг и доживеа неочекувано висок пораз од 1:4. Со тоа Монако не само што остана без шанси за пласман во нокаут фазата, туку остана и без шанси за пласман во Лигата на Европа како третопласиран во групата. Тоа за навивачите на тимот од Кнежеството значи само едно – дебакл. Тие веќе бараат одговорсност за овој неуспех. Како да биде поинаку кога нивниот тим минатата сезона стигна до полуфиналето во Лигата на Шампиони, а во Франција ја освои шампионската титула на убедлив начин. Според сето ова, јасно е дека Монако се соочува со притисок, а во екипата атмосферата не е на посакуваното ниво. Ова дерби Монако – ПСЖ за нив не доаѓа во вистински момент и затоа коефициентот за победа на Монако е дури 5.50.
Покрај се Монако сезонава игра над очекувањата на експертите
Монако иако веќе е испаднат од Лигата на Шампиони игра одлично во Лига 1. Моментално е втор на табелата со 9 победи и по две ремија и порази и заостанува само 6 бода во однос на ПСЖ. Затоа е и несватливо зошто навивачите на овој тим се толку огорчени. Во ред е тие да не бидат задоволни по елиминацијата од ЛШ. Нека бидат и незадоволни дека нема да продолжат ниту во ЛЕ. Сепак нивната подршка ќе биде од големо значење понатаму во Лига 1. Сега Монако ќе има многу полесна задача и ќе се фокусира само на домашниот шампионат за разлика од ПСЖ кој ќе се боди на три фронта истовремено. Освен тоа очекувањата на навивачите се превисоки и според случувањата во летниот трансфер период. Најдобрите членови на идеалната постава на Леонардо Жардим заминаа во посилни екипи па според тоа досегашните резутати на тимот дури се и над очекувањата на фудбалските експерти.
Наш предлог:
Be the first to comment