Најинтересниот меч за нас во Лига Европа секако е дуелот Реал Сосиедад – Вардар. Како одминува сезоната Вардар игра се послабо и послабо. Го нема жарот и мотивот кај играчите од стартот на сезоната кога беше елиминиран големиот Фенербахче. Шпанците во Скопје славеа со убедливи 0:6, а како игра Вардар тешко е да се верува дека ќе избегне убедлив пораз.
Вардар во катастрофална форма
Вардар гостува во Сан Себастијан во најлош можен момент за тимот. Вардарци се во серија од 4 меча без победа, забележувајќи три порази и едно реми. Серијата започна со поразот пред две недели токму од Сосиедад и тоа со 0:6 на домашен терен. Продолжи во домашиот шампионат со порази од просечните Победа и Работнички и кулминираше со ремито против Силекс. Се на се, јасно е дека во вардар дуваат лоши ветришта иако можеме само да ја нагаѓаме вистинската причина за тоа. Она што повеќе загрижува од поразите е играта на тимот. Не е исто да губиш во добра игра или во лоша. Вардар пак игра катастрофално на овие дуели, без жар, без динамика и без мотив. Ако се земе во предвид и тоа што Вардар сезонава во Лига Европа има гол разлика 1:14 по три меча, тогаш црно му се пишува на тимот во Шпанија.
Чеде не се снаоѓа добро во Вардар
Чедомир Јаневски стигна во Скопје со голема помпа, заменувајќи го Гоце Седловски. Почна одлично елиминирајќи го Фенербахче, но тоа беше се од него. Очигледно е дека Чеде не се снаоѓа добро во Вардар, а тоа најдобро се гледа по пристапот на фудбалерите на терен. Јаневски долги години играше фудбал на запад, потоа го калеше тренерскиот занает таму и има друг менталитет. А тој менталитет очигледно дека не може да се вклопи во Македонија и тоа е причината што фудбалерите изгледаат психички неспремни. Вардар иако има два меча помалу од лидерот во домашниот шампионат, заостанува 11 бода. Кога во прашање е Првата Лига на Македонија, таа предност е речиси недостижна и тоа дополнително го ослабува мотивот.
Густиот распоред го зема својот данок
Вардаровите фудбалери никако неможат да се привикнат на густиот распоред сезонава и за тоа пишувавме веќе неколку пати оваа сезона. Тоа сигурно е една од причините за лошите резултати. Тренерот Јаневски проба со еден куп ротации во тимот, но тоа не се покажа доволно за освежување на фудбалерите. Наместо тоа, како повеќе да се измешаа работите во екипата. Сепак Вардар има ограничен број на фудбалери за ротација па најдобрите не одмараа ниту еднаш. Нозете на фудбалерите се тешки и прашање е колку тиа ќе можат да дадад 100% од своите можности во Шпанија.
Можен состав:
4-2-3-1: Гачевски; Новак ( Велковски ), Грнчаров, Демири, Хамбурџијан; Николов, Глигоров; Фелипе, Блажевски, Џигаури; Барсегијан.
Сосиедад игра топло – ладно сезонава
Сосиедад одлично ја почна сезоната во Ла Лига со три победи во првите три кола. Сепак по тоа трето коло имаше огромен пад во формата забележувајќи 4 порази по ред на кои прими дури 12 гола. Поразите дојдоа од Реал Мадрид, Леванте ( Енис Барди беше стрелец на еден гол за Леванте ), од Валенсија и од Зенит во Лига Европа. Следеше ремито по оваа црна серија против Бетис, но со 4 примени гола. Сепак Сосиедад на гостувањето кај Алавес славеше со 0:2, а потоа го совлада Вардар со неверојатни 0:6. Тоа беше доволно за враќање на победничките патеки. Од тогаш Сосиедад одигра нерешено со Еспањол и славеше во купот против Леида. Сепак во овој дуел Сосиедад влегува по поразот од Гетафе со 2:1.
Проблемите со повредените се минато во Сосиедад
Сосиедад ќе го пречека Вардар на „Аноета“ стадионот, а победата за нив би значело широко отворени врати кон пласман во следната рунда. Добрата вест за Баскијците е што еден од најдобрите фудбалери во тимот Зурутуза се враќа во првиот тим. Зурутуза пропушти три меча во Ла Лига и еден во Лига Европа – гостувањето во Скопје. Како што објавуваат медиумите на Пиринеите, Зурутуза веќе нормално тренира и на тренерот Еузебио Сакристан ќе му даде шанса на овој дуел. Зурутуза е еден од најдобрите фудбалери на баскискиот тим и неговото враќање најавува подобри денови за овој клуб. Агирече останува повреден и нема да конкурира и за овој меч против Вардар. На последниот меч со Гетафе, во тимот ги немаше и Илјараменди и Родригес, кои поради ситни повреди го прескокнаа мечот. Сепак и тие нормално тренираат и ќе бидат спремни за овој меч.
Букмејкерите веруваат во висока победа на Реал Сосиедад
Јасно е кој е фаворит на оваа средба. Ако Сосиедад даде 6 лесни гола во Скопје, што ли го чека Вардар во Сан Себастијан. Затоа и букмејкерите за победа на Сосиедад дадоа толку мали коефициенти. Најдобриот коефициент е 1.10 во Unibet. За победа на Вардар најдобриот коефициент е во Betway и е 31.00. За реми пак најдобриот коефициент можете да го најдете во Marathonbet и е 13.00. Букмејкерите очекуваат и висока победа на шпанците па коефициентот за Над 2.5 гола е 1.34 во Bet365.
Наш предлог:
Полувреме / крај 1-1 @ 1.36 во Bet365
Be the first to comment