Ракометарите на Металург денеска стартуваат во новата, вкупно деветта сезона во Лигата на Шампуионите, а седма последователна сезона. Во првиот натпревар во групата Д, сините од Автокоманда му гостуваат на Монпелје, со што можеме да заклучиме дека нашиот вицешампион не можеше да замисли потежок старт на сезоната.
Монпеље фаворит број еден во групата
Најтрофејниот француски тим е главен фаворит за првото место во групата Д и реално гледано тешко дека ќе се најде тим во оваа група што ќе може да му застане на патот. Минатата сезона оваа екипа стигна до четврт-финалето во ова натпреварување, а во осминафиналето го елиминираа ланскиот бранител на трофејот Киелце над кого славеа на два пати. Во следното коло налетаа на Веспрем и беа елиминирани во два доста интересни меча. Интересно е тоа што тренерот на оваа екипа Канаје дури 24 години го води тимот и тој е рекордер во ракометниот свет. Сезонава оваа екипа има слични амбиции како и минатата сезона, сакаат да освојат еден од трофеите во домашното првенство, додека во Лигата на Шампионите амбициите се да го повторат успехот од минатата сезона. И оваа сезона лидер на францускиот тим ќе биде кој друг ако не капитенот и француски репрезентативец Гигу кој цели 18 години го носи дресот на овој тим. Инаку францускиот шампионат започна минатиот викенд, а Монпеље славеше победа над Шамбери со 29:18, со што покажа дека се наоѓа во добра форма пред стартот на Лигата на Шампионите и мечот против Металург.
Металург сезонава со ограничени можности
Македонскиот вицешампион не можеше да посака потежок почеток на сезоната во Лигата на Шампиони од овој. Металург минатата сезона не ги оствари своите цели, а оваа сезона ќе биде уште потешка за тимот бидејќи Червар има послаб тим и доста неискусни и млади ракометари. Лино Червар и оваа сезона има подмладен состав со дури девет нови играчи Целата е да се повтори ланскиот успех кога Металург заврши на третото место во групата со пет победи и пет порази во групната фаза од ЛШ, или „сините“ сезонава да отидат и чекор понапред доколку им се пружи шанса. Во генералната проверка пред стартот на новата сезона во Лигата на шампионите, Металург фати победнички ритам со двете победи во серија во регионалната СЕХА лига против Динамо Панчево со 20:25 на гостински терен и дома проти Нексе со 29:22. Сепак можностите на Металург ќе бидат ограничени сезонава во Лигата на Шампионите, но кога во прашање е овој тим предводен од искусниот Лино Червар секако дека мора да се остави и простор за изненадување.
Минатата сезона Монпеље славеше на два пати со Металург
И минатата сезона овие две екипи беа во иста група во Лигата на Шампионите. На двата меча очекувано славеше францускиот тим и тоа со комотна разлика. Првиот меч се одигра во Франција и Металург доживеа дебакл губејќи со 10 гола разлика, 28:18. Од актуелниот состав на Металург најпрецизен на тој меч беше Пешевски со 4 гола и тој се очекува да биде еден од подобрите во Металург и оваа сезона. На вториот меч во Скопје Металург одигра подобар меч но повторно загуби со 24:30, но на тој меч најдобар беше Обрадович со 10 гола кој за жал летово си замина од тимот. Според сите показатели, Металург сезонава ќе има потешка задача бидејќи има послаб тим па се освен победа на Монпеље ќе биде големо изненадување.
Букмејкерите со мал коефициент за победа на французите
За победа на Монпеље коефициентот е премал и не е вреден за обложување, коефициентот од 1.13 колку што беше пред неколку дена, сега падна на 1.04 во бет365. За победа на еталург пак коефициентот расте од ден до ден и сега е дури 18.00, одека за реми коефициентот е 25.00 во бет365. Според ова, најдобро е овој меч да се одигра на голови.
Наш предлог:
Be the first to comment