Вардар – Зенит: најава и анализа, нека продолжи серијата домашни победи

Вардар не можеше да посака потешко деби во групната фаза на Лигата на Европа, но Вардар стартува на домашен терен каде досега паднаа три фаворити, па зошто во Скопје да не падне и руски Зенит. Историјата е веќе испишана со самиот пласман во групната фаза на Вардар и секој чекор плус сам по себе ќе биде нова историја за Вардар, но и за македонскиот фудбал воопшто.

Вардар наметна победнички менталитет

Македонскиот шампион конечно успеа да испише нова историја, да сврти нова страница во македонскиот фудбал и да обезбеди пласман во групна фаза на едно од двете европски натпреварувања. Вардар тргна мирно во квалификациите на Лигата на Шампионите но го елиминираше Малме, а потоа несреќно загуби од Копенхаген во гости. Кога на ждрепката го добивме Фенербахче, никој не му даваше шанси на македонскиот шампион дека може да го елиминира турскиот великан, но Вардар победи на два пати и се најде во групите на Лигата на Европа. Сега на ред е Зенит, но оваа екипа е посилна од оние со кои Вардар веќе играше сезонава и повторно Вардар е аутсајдер, но овој пат никој не се залетуваат со песимистички изјави. Тоа е добро, тоа значи дека вардаровите фудбалери наметнаа победнички менталитет и тоа не само кај себе, туку и кај своите навивачи и симпатизери. Тоа е голем плус за овој тим пред настапите во Европа, а Јаневски мора да најде рецепт во кој ќе го искористи тоа. Вардар најде експресно решение за тренерското столче по заминувањето на Седловски и тоа во името на вардаровата легенда Чедомир Јаневски кој долги години го собираше своето искуство во западна Европа, а беше и селектор на македонската репрезентација и тоа веднаш вроди со плод, а неговиот менталитет е победнички и тој може да го пронајде вистинскиот рецепт. Ако Вардар го искористи моментот, еуфоријата, ако одигра мудро, ако одигра како на предходните натпревари во Европа на домашен терен, дефинитивно има шанси во најмала рака да остане непоразен, па дури и да ги освои трите бода.

Јаневски со проблеми во одбраната

Јаневски имаше проблеми во одбраната и на предходните средби со Фенербахче. Прво се разочара од изданието на Демири на првиот меч со Фенербахче и беше заменет на полувремето, а на него не сметаше на дуелот со Фенербахче во Турција. Во предходните натпревари Демири не добива сериозна шанса и на левата позиција почесто играат Глишиќ или Брдаровски. Ако на ова се додаде тоа што Попов не е регистриран за настап во Лигата на Европа, Јаневски би требало да бира помеѓу Демири и Глишиќ кои се единствени леви бекови во тимот, или да се реши на Брдаровски кој е десен бек и левата позиција не е природна за него. Во секој случај левата бековска позиција е голем проблем за Јаневски и создава многу дилеми кај него. Уште еден проблем е повредата на Новак, кој беше стандарден на предходите натпревари за Вардар на централната бековска позиција, но ќе го пропушти овој дуел со Зенит. Сепак ова и не мора да го загрижува премногу Чеде, бидејќи тука е капитенот Грнчаров и младите Велковски и Муслиу кој и тоа како добро се покажаа во тандем на мечевите на македонската репрезентација со Израел и Албанија, па за кого и да се реши Чеде да стартува од првата минута нема да погреши.

Можен состав:

Формација 4-2-3-1: Гачевски; Грнчаров, Велковски, Хамбурџијан, Брдаровски ( Демири ); Николов, Глигоров; Џигаури, Блажевски, Фелипе; Барсегијан.

Зенит е прв фаворит во Групата Л

Рускиот великан е фаворит број еден во групата Л во која уште се и Реал Сосиедат и Росенборг и влегува со големи амбиции во новата сезона од второто по ранг натпреварување во Европа. Зенит има најголем буџет во оваа група, најскапи фудбалери и највисоки амбиции, па тоа доволно укажува на тоа колку тешко ќе му биде на Вардар на дебито во Лигата на Европа. Новиот тренер Роберто Манчини форсира дисциплинирана и тактичка игра, што досега му носи резултат. Зенит одлично игра во првенството, а по девет одиграни натпревари, клубот од Санкт Петерсбург е прв на табелата со 6 победи и 3 ремија. Сепак оваа екипа е во мала криза со оглед на тоа дека на последните два натпревари одигра нерешено без голови, што донекаде го загрижува италијанскиот тренер. Во групната фаза Зенит стигна потешко од очекувањата, откако прво го елиминираше израелскиот тим Јехуда но со пораз на домашен терен, а во плеј-офот елиминиран беше Унтрехт кој славеше во Холандија, за на реваншот во Русија да доживее елиминација по продолженија.

Зенит потроши 70 милиони евра за нови засилувања

Во летниот преоден рок Зенит потроши 70 милиони евра на нови засилувања, а ова е цифра со која сите македонски екипи од Првата Лига можат да функционираат со децении. Најскапиот трансфер е оној на Леандро Паредес од Рома, трансфер вреден 23 милиони евра. Манчини исто така го купи и талентираниот аргентински стопер Емануел Мамана од Лион, а дека Аргентинците му се омилени покажаа и трансферите на Себастијан Друиси кој дојде од Ривер Плата, Емилиано Ригони од Индепендиенте и Матиас Краневитер од Атлетико Мадрид. Покрај петмината Аргентинци, Зенит успеа да доведе и петмина играчи од Ростов кој минатата сезона имаше одличен пласман. Од сите засилувања се чини дека најмногу се покажа засилувањето од Ахмат Грозни, Далер Кузјаев, кој со три гола и една асистенција е еден од подобрите во екипата оваа сезона.

Манчини го потцени Вардар

Тренерот на рускиот гигант, Роберто Манчини со себе во Скопје понесе 20 фудбалери но во составот го немаше најскапото засилување ова лето, аргентинецот Леандро Паредес, како и рускиот репрезентативец Олег Шатов кои од Италијанецот добија дополнителен одмор. Двајцата останаа во Русија со одлука на Манчини, кој смета дека и без нив ќе успее да стигне до успех на овој меч против Вардар. Сепак ова треба да ги мотивира вардаровите фудбалери, но не смее да ги опушти, бидејќи Зенит во средниот ред има голем квалитет. Тука се Александер Ерокин, Ригони, Кузајев и Друиси кој имаат многу силни натпревари во своите нозе.

Можен состав:

Формација 4-4-2: Лунев; Крисито, Ивановиќ, Мамана, Смолников; Кузајев, Ерокин, Ригони, Друиси; Кокорин, Џјуба.

Букмејкерите на страната на Зенит

Фаворит се разбира е Зенит. Букмејкерите за нивна победа нудат коефициент 1.50, но интересно е тоа што овој коефициент расте ако се земе во предвид што пред неколку дена коефициентот за победа на рускиот тим беше 1.40. За реми коефициентот во бет365 е 4.75 и дефинитивно е вреден за да се преземе ризик и да се одигра Х. Букмејкерите како да се предомислуваат околу шансите на Вардар на овој дуел, па ако до пред неколку дена коефициентот за Вардар беше 7.50, сега е паднат на 7.00 во бет365. Како одигра Вардар на натпреварите на домашен терен, мораме да заклучиме дека коефициентот 1.50 за победа на Зенит не е вреден за ризикување, па затоа е најдобро да се избегне типување на конечен победник на овој дуел.