Сезоната започнува овај викенд и време е да се подготвиме. Во следните редови ќе погледнеме како екипите од големата шестка го поминаа летото и како тоа ќе се одрази врз сезоната. Да направиме неколку прелиминарни договори пред да почнеме:
Прво – сите тимови за кои ќе стане збор во текстот се .. многу добри . До еден. Неколкуте минус кои ќе бидат споменати за секој од нив се само можни прилики за загриженост, кои можат да ги чинат некој поен кој би влијаел на конечниот пласман. А при толку израмнети сили секој поен има огромна тежина. Сепак само еден поен одлучи дека Ливерпул ќе игра во ЛШ оваа година наместо Арсенал.
Второ – гледавме само по 2-3 натпревари од предсезонските подготовки на повеќето тимови, па засега нема да навлегуваме во длабоки тактички анализи, туку само ќе погледнеме дали се задоволени основните потреби.
Трето- изгледа трето нема … Одиме по ред.
Челзи
Голема работа во изминатата година беше како Антонио Конте ја сврти сезоната на лондончани, менувајќи ја тактичката поставеност од 4141 на озлогласенoто 343 по огромениот пораз 3-0 од Арсенал при крајот на Септември. Со оглед на натпреварите од предсезонските подготовки по се изгледа дека тaа ќе е формацијата со која сините ќе ја пречекаат и 2017/2018.
Бидејќи Челзи немаше којзнае колку големи проблеми во играта, главните летни цели пред Конте беа (1) да се најде пристојни замени за тие што заминаа и (2) да се прошири составот поради претстојното учество во ЛШ.
Имињата на големите заминувања се Немања Матиќ и Диего Кошта. Бразилецот се уште не ја напуштил официјално екипата, но јасно е дека не влегува во плановите на менаџерот, така што можеме да го пишуваме заминат. Сепак за неговата позиција беше донесен Алваро Мората, младиот напаѓач кој играше и импресионира во дресот на Реал Мадрид, Јувентус и повторно Реал Мадрид.
Тимуе Бакајоко пак пристигна од француската сензација Монако како црна верзија на црноработникот Немања Матиќ. Покрај тоа, беше донесен и младиот германски одбранбен играч Антонио Рюдигер (Рома), кој може да игра и како еден од тројката во одбраната, така и да покрива по десното крило при потреба.
Трансферите на прв поглед се добри. Обезбедени се директни замени на заминатите и е додадена уште една опција во одбраната. Прашањето е … доволно ли е тоа? Реално краткиот состав на сините се зголеми само со една бројка, а претстои тешка кампања во евротурнирите.
Во минатата сезона Челзи успеа да се спаси од повреди благодарение на одличната физичка подготовка, спроведена од Конте и малку среќа. Но, кој може да каже дали тоа ќе се повтори и кога лондончани почнат да играат натпревар на секои три дена?
Во заклучокот стравовите на сините доаѓаат главно од широчината на составот (најмногу во средниот ред каде тие располагаат само со 3ца фудбалери за 2 позиции – Канте, Фабрегас, Бакајоко). Освен тоа секогаш ќе го имаат и скокотливото прашање … успеа ли Челзи да ја подобри стартната единаестка? Дали Бакајоко и Мората се значителни подобрувања над Матиќ и Кошта или подобро кажано го задржуваат досегашното ниво на тимот? Лично за нас секогаш е повод за мала загриженост кога нема да ја подобрите стартната единаесеторка во летниот трансфер прозорец. Кој и да си .. дури кога ти си шампионот. Затоа што тимовите зад тебе не спијат и прават чекори да го скратат растојанието.
Позитивните страни на Челзи пак се очигледни. Автоматизмите на Конте се покажаа премногу висока пречка во текот на изминатата сезона за речиси сите во Англија, откако сините испуштија поени само два пати против тимови надвор од топ 6. Најверојатно оваа година трендот ќе се задржи и лондончани ќе соберат доста поени од истите овие тимови
(иако едвај повторно ќе се толку многу). Предметното знаење да се обезбедат релативно лесни поени од среднаците и малите тимови е исклучително важно во сезоната, која се состои од 38 средби и во голема мера гарантира пласман во првите позиции на лондончани.
Прогноза: Борба за титулата. Коефициентот за тоа дека Челзи ќе ја освои титулата е 4.50 во бет365.
Тотенхем
Жалиме, навивачи на Тотенхем, но ова ќе биде најкратката секција во текстот. Тотенхем едноставно не направија ниту еден влезен трансфер, единствениот значаен трансфер е тој на Кајл Вокер во насока кон Манчестер Сити.
Бидејќи и фудбалерите и менаџерот се непроменети многу е веројатно да го видиме истото лице на Тотенхем што го гледавме и во минатата година. Од Тотенхем можеме да очекуваме познатата стабилна одбрана, обезбедени од пресингот на Почетино и наизменични промени од 4231 на 343.
Слично на Челзи стравовите се поврзани со неуспевањето да се подобри стартната единаесеторка. И повторно слично на Челзи, Тотенхем исто така имаат проблеми со широчината на составот. Тимот во голема мерка е зависен од тоа да успее да ги зачува стартерите од повреди.
И покрај сè, пресинг стратегијата на Почетино е исто така добра во собирање поени од среднаците и малите тимови, што би требало да гарантира на тимот пласман во топ 4.
Прогноза: топ 4. Коефициентот за тоа дека Тотенхем ќе ја освои титулата е 10.00 во бет365.
Манчестер Сити
Иако преовладува мислењето дека каталонецот е измамник и главниот виновник за редица неадекватнсти цврсто сме убедени дека Гвардиола успеа да заврши многу голема работа во минатата сезона. Во последните натпревари се виде дека граѓаните веќе се приспособија на позиционираната игра на новиот менаџер и резултатите не изостанаа – неколку последователни големи победи против тимови од средината на табелата.
Иако конечниот пласман на небесносините (третата позиција) беше разочарување, со оглед на очекувањата пред сезоната, постојат голем број на фактори кои ветуваат значително посилна кампања оваа година.
Првиот беше чисто и едноставно .. среќа. Граѓаните всушност беа тимот кој допушти најмалку удари кон голот во целото првенство. За жал, секој таков се претвораше во гол. Од една страна поради чистиот пример на лоша среќа а од друга поради фактот дека прстите на голманот Клаудио Браво се покажаа како ,,кашкавални,,. Во исто време на другиот крај
на теренот докажани голгетери како Серхио Агуеро, како да се трудеа пропуштаат елементарни шанси. Во комбинација овие несреќи и на двата краја на теренот му ја скратија шансата на Сити да се вклучи сериозно во битката за титулата.
Вториот голем фактор беше грозоморната состојба на составот кој Гвардиола начека по пристигнувањето … и најмногу ситуацијата со бековите. Сите крајни дефанзивци на тимот во текот на изминатата година беа на возраст над 31 година.
Каталонскиот специјалист се зазеде експедитивно да се ослободи од непотребните играчи ова лето и Сити ги продаде или пак директно ослободи ги следниве фудбалери: Забалета, Клиши, Коларов, Сања, Навас, Кабаљеро, Џо Харт и изненадувачки Келеши Ихиеначо.
Откако во тимот не остана ниту еден бек сосема логично беше доаѓањето на тројца нови такви – Кајл Вокер (Тотенхем), Бенџамин Менди (Монако) и Данило (Реал).
Кон нив се приклучија голманот Едерсон (Бенфика) и плејмејкерот Бернардо Силва (повторно од Монако).
Така со комплетот од скромните неколку стотици милиони составот на Сити одеднаш изгледа адекватен на конкуренцијата. Земајќи го предвид очекуваното “нормализирање” на среќата на граѓаните + фактот дека стартната единаесеторка е значително подобрена во најмала рака, тоа што се очекува од небесносините е жестока борба за титулата.
Прогноза: Шампиони. Коефициентот за тоа дека Манчестер Сити ќе ја освои титулата е 2.87 во бет365 и е најмал од сите 6 екипи.
Ливерпул
Ливерпул e исклучително интересен случај. Во половина сезона тие изгледаа како тим кој се бори за титулата .. додека во другата половина личеа повеќе на тим надвор од топ 4.
Клучен момент во сезоната изгледа им беше денот во кој Садио Мане замина за Купот на Африка и тоа не е изненадување ако се има во предвид фактот дека главниот проблем на црвените беше широчината на составот.
Ливерпул имаше среќата да игра само на домашен фронт, но и покрај тоа отсуството на само еден или двајца од стартерите доведе до навистина значителен пад во претставувањата на тимот.
Во текот на летото беа доведени Мохамед Салах (Рома), Доминик Соланке (Челзи, напаѓач) и Ендрју Робертсон (Хул Сити, лев бек). Доведувањето на Салах значи дека Ливерпул веќе има подготвено трио во нападот, што од своја страна овозможува на Кутињо да се врати малку поназад и да заигра на оптималната позиција како еден од тројката халфови.
Во исто време во лицето на Робертсон составот веќе располага со вистински лев бек (извинете, Морено, Џејмс) додека десно наметнувањето на младиот Трент-Александер Арнолд многу веројатно ќе се покаже како чекор кој ќе бара подобри игри од Натаниел Клајн.
Тоа веќе се 3 или 4 подобрени позиции во стартната единаeсеторка на Ливерпул во однос на минатата сезона. И покрај тоа широчината едвај ќе е доволна. Реално бројката на составот се зголемила со едвај две лица (Лукас Леива напушти во насока Италија) а Ливерпул веќе се соочуваше со проблемот ширина на екипата дури и без очекуваната кампања во европските турнири.
Поради овие причини гледамe реализација на уште трансфери пред затворањето на трансфер прозорецот (се зборува за Ван Дајк, Наби Кеита (малку веројатно) и Алекс Окслеид-Чембрлен како трансфер цели) што ќе биде клучно за сезоната на Ливерпул. Сезоната многу ќе им зависи и од евентуалното заминување на Кутињо за кој многу е заинтересирана Барселона.
Прогноза: Борба за топ 4, со мали шанси да се вмешаат во битката за титулата. Коефициентот за тоа дека Ливерпул ќе ја освои титулата е 13.00 во бет365 и е најголем од сите 6 екипи.
Арсенал
Кон крајот на минатата сезона топџиите ја најдоа формулата за успех … или барем така изгледаше. Иако избраниците на Арсен Венгер зедоа многу поени во последните натпревари, презентацијата им беше далеку од убедлива во новата 343 формација.
Летото беше одбележано претежно од сагата околу Алексис Санчез. На крајот чилиеанецот изгледа ќе остане барем уште една сезона со топџиите. Во офанзивен план беше додадена долгогодишната цел на тимот – Александре Лаказет од Лион. Французинот е одличен напаѓач, од кој се очекува да го поведе нападот на тимот, заменувајќи го Оливие Жиру.
Другиот нов во тимот е Сеад Колашинац, кој пристигна од Шалке. Не е сосема јасно чија позиција ќе заземе тој, но се чини дека Монреал ќе треба да го отстапи своето место на теренот.
Плус за Арсенал е дека барем на прв поглед изгледа летото било добро искористено, бидејќи тимот изгледаше во одлична физичка форма за време на натпреварот кој беше контрола за Комјунити Шилд, кој подоцна и го освоија. Освен тоа сосема е природно цело лето на тренинзи во 343 формација да ја имаат подобрено изведбата на теренот.
Негативностите се повеќе поврзани со нивото на конкурентите. Во последно време Венгер чувствува се повеќе тешкотии да е конкурентен на големите екипи и тоа едвај ќе се промени во текот на оваа сезона. Барем не само со доаѓањето на Лаказет.
Прогноза: 5-6 место. Коефициентот за тоа дека Арсенал ќе ја освои титулата е 12.00 во бет365.
Манчестер Јунајтед
ОК. Јунајтед ….
Слично како текстот за градските ривали и за црвените ѓаволи можеме да кажеме дека (1) Мурињо заврши подобра работа отколку што признаваат повеќето луѓе и (2) одредена доза лоша среќа ги следеше црвените минатата сезона. Во многу од наизглед бескрајните нерешени натпревари на тимот, улога одигра навидум одбивањето на топката да влезе во противничкиот гол.
Во летото Јунајтед ги додаде кон своите редови Виктор Линделоф (Бенфика), Немања Матиќ (Челзи) и Ромелу Лукаку (Евертон). Тројцата претставуваат доста важни и големи парчиња во сложувалката на Моу.
Линделоф е централен дефанзивец, кој е исклучително вешт во изнесувањето на топката и носи спокојство, кое не може да биде гарантирано од Смолинг или Рохо. Присуството на Матиќ пак значи дека на Моу нема да му се наметнува да смета толку многу на Мајкл Карик, кој веќе не може да трча и на Маруан Фелайни кој не може да … игра фудбал.
Лукаку пак претставува директен заменик на ослободениот Златан Ибрахимовиќ, кој е и единственото значајно име кое го напушти тимот. Белгиецот може дури да биде пристојно подобрување на позицијата, овозможувајќи со брзината тимот да заиграна контра напади, игра со кој се прослави Жозе (35-годишни напаѓачи не се за брзи напади).
Интересен елемент од предсезонските подготовки беше користењето на 352 од страна на Мурињо (барем во 2та натпревари, кои ги гледавме). Останува да видиме дали е постојана варијанта или пак Моу ќе се врати кон 4231/433 со почетокот на сезоната.
Јунајтед очигледно подобри барем две позиции во стартната единаесеторка и најверојатно ќе може да смета и на малку подобра среќа оваа година.
Поводите за загриженост доаѓаат претежно од претпазливиот стил на Мурињо во дерби натпреварите со другите тимови од топ 6. Во изминатата сезона ,,специјалниот” пристапи исклучително дефанзивно во овие средби што не донесе голем број на поени на Јунајтед.
Пристапот на португалскиот стратег во натпреварите против директни конкуренти обично вршеше работа во минатото, кога конкурентите беа еден или два тима. Сега, со толку мала разлика меѓу тимовите од топ 6 … 10 претпазливи натпревари во сезоната изгледаат премногу за тим со амбиција да се вклучи во битката за титулата. Така голем дел од сезоната на Јунајтед зависи од тоа дали Моурињо ќе го промени пристапот во споменатите натпревари.
Прогноза: Борба за топ 4, со мали шанси да се вмешаат во борбата за титулата. Коефициентот за тоа дека Манчестер Јунајтед ќе ја освои титулата е ист како за Челзи 4.50 во бет365.
2 Trackbacks / Pingbacks