Бодо Глимт ќе има за цел да ја стигне негативата од 1:0 кога Линфилд ќе гостува на стадионот Аспмира на реваншот од второто коло од Лигата на шампионите во среда.
Ударот на Кирк Милар ја заврши работата за шампионот на Северна Ирска на првиот меч, резултат кој беше едно од најголемите изненадувања минатата недела. Инаку, победникот од овој двомеч во следното трето коло ќе игра со подобриот од двомечот помеѓу Жалгирис и Малме.
Бодо на домашен терен е сосема друга екипа
Гостинските натпревари во Европа досега не беа баш добри кон Бодо Глимт. Во првото коло славеа дома со 3:0, но на реваншот на Фарски Острови кај Клаксвик едвај се спасија од дебакл, откако загубија со 3:1. Сега против Линфилд, повторно влегоа како големи фаворити, но повторно загубија, овој пат со 1:0.
Норвешките шампиони минатата сезона беа убедливи, а имаа и одлична одисеја во Европа. Онаа победа над Рома со 6:1 уште се спомнува низ Европа. Сега сакаат повторување на минатата сезона, но веднаш стана јасно дека ќе имаат една крајно тешка мисија пред себе. Ниту во Норвешка сезонава не се на потребното ниво и се мачат, а веќе поминаа петнаесетина натпревари од сезоната.
Тимот на Кјетил Кнутсен во саботата против Јерв славеше со 5:0, па сега сите сакаат да веруваат дека таа победа ќе биде пресврт за нив сезонава. Бодо Глимт има четири победи во низа на свој терен во сите натпреварувања – постигнувајќи 14 гола и тоа е јасен показател дека екипата кога игра дома е сосема различен тим.
Линфилд е аутсајдер и покрај предноста
Импресивна победничка низа има и екипата на Линфилд во текот на летото, бидејќи тимот на Дејвид Хили паралелно победува и на пријателските натпревари и во Лигата на шампионите од почетокот на месецот.
На Линфилд му требаше дополнително време за да го победи Њу Сејнтс со вкупни 2:1 во првото коло од квалификациите на Лигата на шампионите, но 56-кратниот шампион на Северна Ирска сега може да стигне до третото коло од квалификациите за прв пат во својата историја.
Во својот сегашен формат, Линфилд никогаш не напредувал подалеку од второто коло – елиминиран од таа фаза е во четири претходни наврати.
Тимот на Хили ја оствари својата петта победа по ред во сите натпреварувања во саботата, победувајќи го Лаггал со 2:0 во пријателски натпревар, но од нивните 18 натпревари на гостински терен во квалификациите за Лигата на шампионите, само три завршија со нивна победа.
Тимски новости: Бодо Глимт
Дефанзивецот на Бодо Глимт, Брис Вембангомо се врати по повредата. Истото не може да се каже за напаѓачот Ола Солбакен, кој се уште отсуствува поради повреда на рамото.
Амахл Пелегрино влезе како замена во првиот натпревар, но откако постигна хет-трик во саботата, 32-годишниот фудбалер сигурно ќе се најде во првиот тим заедно со Виктор Бонифаче во нападот.
4-3-3 формација: Хаикин; Сампстед, Амундсен, Хоибратен, Вембангомо; Солтнес, Хаген, Ветлесен; Сорли, Бонифаче, Пелегрино
Тимски новости: Линфилд
Линфилд ќе настапи во најсилниот состав. Нема повредени и суспендирани фудбалери во оваа екипа, иако талентираниот 16-годишен играч за врска Кормак Остин му се приклучи на премиерлигашот Кристал Палас.
4-3-3 формација: Џонс; Финлејсон, Хол, Роско, Кларк; Мулгреј, Шилдс, Фалон; Милар, Мекдејд, Стјуарт
Очекување:
Се е на страната на Бодо Глимт – освен поразот од првиот меч. Сепак и покрај тој пораз, Бодо беше екипата која го диктираше темпото на игра, која креираше шанси … се на се, јасно е дека квалитетот е целосно на нивна страна. Линфилд ќе се брани и воопшто нема да размислува за противничкиот гол, но сметам дека тоа нема да биде доволно за да обезбедат пласман во следната фаза. Можете да одиграте 1-1, па дури и во комбинација со повеќе од 2.5 гола.
Be the first to comment