Во вторник Карабаг во Азербејџан ќе го пречека шампионот на Швајцатија, Цирих, во рамки на второто квалификациско коло за пласман во Лигата на Шампиони.
Според букмејкерите домаќинот е фаворит на овој меч во Баку, но Цирих е играчки поквалитетна екипа па јасно е дека не очекува еден крајни интересен и неизвесен натпревар.
Карабаг веќе не е европско изненадување
Карабаг е неприкосновен во Азербејџан и со постојан успех во Европа играјќи во неколку наврати во групните фази на европските натпреварувања. Откако минатото коло одиграа неверојатен меч со шампионот на Полска, сега сите во Азербејџан со голем ентузијазам го очекуваат овој меч. Во првиот меч Карабаг беше поразен од Лех Познан со 1:0, но дома славеа неверојатна победа од 5:1 со што го закажаа овој меч со Цирих.
Екипата на Гурбан Гурбанов славеше благодарение на бразилскиот напаѓач Кади кој постигна два гола на тој меч. Бразилецот постигна пет гола минатата сезона во Конференциската Лига Европа, па сега половина Европа трча по неговиот потпис.
Но Карабаг не е само Кади. Тоа е еден одличен тим, имаат огромно искуство во вакви дуели и голема хомогеност меѓу играчите кои долго време играат заедно. Екипата е составена со репрезентативци на Азербејџан, а странците само го подигнуваат квалитетот на едно повисоко ниво. Тоа беше рецепт за успех минатите сезони и оваа екипа веќе не е изненадување во Европа. Имаат реални шанси да забележат добар резултат, барем на овој меч на домашен терен.
Цирих се враќа во Европа
Цирих само еднаш претходно се пласираше во групната фаза во Лигата на шампионите – во 2009 година, кога завршија на четвртото место во групата зад Реал Мадрид, Милан и Марсеј. Шампионот на швајцарската Суперлига, чија одбрана на домашната круна започна со голем пораз во саботата од Јанг Бојс со 4:0, во минатото два пати беше полуфиналист на европските купови, но тоа беше одамна.
Сега целта е јасна – а тоа е групна фаза. Цирих неочекувано стана шампион на Швајцарија во конкуренција на фаворитите Јанг Бојс, Базел … Речиси никој не го очекуваше тоа, но тие беа убедливи и многу порано пред крајот на сезоната ја освоија титулата. Имаат одличен тим, а голема предност е што го зачуваа речиси истиот тим кој стана шампион.
Екипата на Франко Фода по четири години отсуство од кое било натпреварување на УЕФА сега е крајно мотивирана, а беше задоволна и од жрепката очекувајќи сигурен пласман во следната фаза.
Сепак, тие мора брзо да се вратат од разочарувањето од поразот со 4:0 во саботата, доколку сакаат поволен резултат во Баку.
Тимски новости: Карабаг
Со оглед на нивниот голем успех минатата недела, Гурбанов се очекува да стартува со сличен стартен состав против Цирих. Марко Јанковиќ ќе продолжи во централниот среден ред, откако го направи својот прв старт откако по доаѓањето од Хапоел Тел Авив левово. Бразилското крило Кади ја обезбедува нивната главна закана, како поддршка за Ибрахима Ваџи во нападот.
4-2-3-1: Магомедалиев; Весовиќ, Медина, Медведев, Бајрамов; Алмеида, Јанковиќ; Кади, Озобиќ, Зубир; Ваџи
Тимски новости: Цирих
Цирих повторно би можел да остане без централниот бек Бечир Омерагиќ поради повреда, откако високо ценетиот дефанзивец го пропушти воведниот првенствен натпревар на гостите викендов. Како и италијанскиот напаѓач Вилфрид Гнонто, Омерагиќ беше силно поврзуван со заминување од клубот за време на тековниот преоден рок, но првиот сепак треба да започне во нападот, заедно со репрезентативецот на Бенин, Тосин Ајегун.
3-4-1-2: Брешер; Камбери, Криезиу, Хорншух; Конде, Боранијашевиќ, Красниќи, Гереро; Марчесано; Аијегун, Гнонто
Очекување:
Карабаг минатото коло покажа неверојатна игра и докажа дека може да игра добар фудбал и против екипи кои доаѓаат од посилни лиги од Азербејџанската. Полски Лех влезе како фаворит во двомечот но беше декласиран. Тоа сепак ќе биде предупредување за шампионот на Швајцарија. Квалитетот е на страната на Цирих, но тешко се игра во Азербејџан па швајцарците нема да се залетуваат премногу. Мислам дека ќе има незвесен меч,а можно е да паднат голови и на двете страни, па јас би одиграл ГГ.
Be the first to comment