Романски Клуж е домаќин на ерменскиот шампион Пјуник во реванш мечот од првото квалификациско коло за пласман во Лигата на Шампиони. Првиот меч во главниот град на Ерменија, Ереван, заврши без голови 0:0.
Домаќинот е голем фаворит
Клуж може да жали за пропуштеното во Ереван. Имаа еден куп шанси пред голот на домаќините но немаа среќа да постигнат гол. Сега, пред своите навивачи сликата ќе биде иста, ќе се игра повеќе пред голот на Пјуник, а Клуж ќе се надева дека овој пат напаѓачите ќе бидат порасположени за голови.
Од тој меч Клуж одигра уште еден официјален натпревар, кога во текот на неделата играше во Супер Купот на Романија и загуби со 2:1 од освојувачот на Купот, Сепси. Сепак, мора да се напомене дека менаџерот Дин Петреску на тој меч излезе со шарен состав и ги одмараше поголемиот дел од фудбалерите кој настапија против Пјуник. Затоа, свежината на романците нема да биде проблем пред овој важен дуел за нив. Минатата сезона Клуж играше во групната фаза на Конференциската европска лига, а сезонава сака групна фаза во Лигата на Шампиони, или најмалку во Лигата на Европа.
Пјуник пред тешка задача
Пјуник тешко ја освои шампионската титула минатата сезона во Ерменија, но тоа го стори сосема заслужено. Во поле на првиот меч беа добри и имаа околу 45% посед на топка, но немаа идеа во завршницата на нападите и тешко доаѓаа до голот на романците.
Мора да се истакне дека Пјуник го задржа целиот свој тим од минатата сезона, кој дополнително е засилен со неколкумина интернационалци меѓу кои и повремениот македонски репрезентативец Марјан Радевски кој дојде од Шкупи. Тој не настапи на првиот меч, но можно е да се најде во составот на реваншот.
Сега Пјуник ќе има крајно тешка задача. Треба да одигра далеку посигурно од првиот дуел каде во одредени моменти имаа и среќа. Затоа мислам дека ерменците ќе играат подефанзивно и повеќе ќе мислат на својот гол, отколку на противникот.
Очекување:
Не можам да најдам ниту една предност за Пјуник пред овој меч. Се е на страната на шампионот на Романија, за кого ќе биде катастрофа доколку не мине во следното коло. Нема сомнеж дека тие ќе го диктираат темпото и ќе сакаат што побрзо да го отворат резултатот, за да си ја олеснат задачата. Може да одиграте единица, но коефициентот за тоа е мал, па затоа подобра варијанта е единица во комбинација со голови, или пак 1-1.
Be the first to comment