Во реприза на полуфиналето на Лигата на шампионите од минатата сезона, Челзи и Реал Мадрид сега играат во рамки на осминафиналето од овогодинешното натпреварување, а првиот натпревар ќе се одигра на Стемфорд Бриџ во среда навечер.
Тимот на Томас Тухел успеа да го елиминира шампионот во француската Лига 1, Лил со вкупни 4:1 за да обезбеди место во оваа фаза, додека момците на Карло Анчелоти направија феноменален кам-бек и сосема заслужено го поминаа Пари Сен Жермен.
Брентфорд го размрда Челзи во незгодно време
Континуираната неизвесност околу сопственичката судбина на Челзи не им прави услуга на носителите на титулата во Лигата на шампионите, но одбраната на трофејот оди добро до сега.
Челзи речиси и да имаше обезбедено пласман во офваа фаза уште по првиот меч кога забележа победа од 2:0 на домашен терен пред нивното патување на Стад Пјер-Мауро, каде голот на Бурак Јилмаз му даде на Лил мала трошка надеж пред Кристијан Пулишиќ и Цезар да ги постават конечните 1:2.
До викендот што измина, Челзи направи одлична работа и имаше неверојатна серија од 12 победи и само еден пораз. Но Тухел не успеа да ја објасни капитулацијата на неговата екипа против Брентфорд викендот, бидејќи пчелите славеа со неверојатни 1:4 на Стемфорд Бриџ.
Овој пораз дојде во најнезгоден можен момент за тимот, токму пред мечот со Реал Мадрид. Но тимот на Тухел влегува во првиот натпревар со победа на секој од последните пет домашни натпревари во Лигата на шампионите без примен гол.
Реал со пад во формата
Во пресрет на очекуваниот летен трансфер во Мадрид, Килијан Мбапе му донесе победа на ПСЖ на првиот меч, а на реваншот со неговиот втор гол во двомечот на полувреме беше 0:1. Со тој резултат речиси и да не постоеше некој кој веруваше во кам-бек на Реал Мадрид. Сепак, Бензема од 61-та до 78-та минута со својот хет-трик донес еневеројатен пресврт и победа од 3:1 за пласман во оваа фаза.
Екипата со 13 европски круни зад своето име сега има повторно тешка задача и во овој прв меч влегува како аутсајдер, барем според букмејкерите. И тие имаа одлична серија која беше прекината предходната недела. Беа поразени со 0:4 на домашен терен од Барселона во Ел Класико, но за разлика од Челзи тие изминатиот викенд имаа можност да се вратат на победите. Реал беше далеку од своите најдобри изданија против Селта Виго викендов, но пеналите на Бензема на крајот им донесоа победа од 1:2.
Победата кај Селта, исто така, претставува трета победа на гости по ред, па доколку го заборават тој пораз од Барса, Реал Мадрид може во добро расположение да го одигра овој меч во Лондон.
Be the first to comment