Македонија по ремито на домашен терен со Ерменија, сега гостува во Исланд – во најдалечната можна дестинација во Европа за играње фудбал. Исланд има победа над Лихтенштајн и три порази од Германија Романија и Ерменија во групата и нивната слаба форма, треба да биде дополнителна мотивација за Македонија.
Офанзивата мора да создава шанси
Против Ерменија се виде дека Милевски има нови замисли во фудбалската филозофија, во неговите барања, кои се поофанзивни од предходно. Но се виде и дека фали Горан Пандев и оној негов последен пас за гол шанса. Македонија ја надигра Ерменија, го диктираше темпото на игра, ја имаше топката во свој посед, но не создаде ниту една посериозна шанса за гол.
Фудбалот се игра за голови и тоа мора да се смени веднаш против Исланд. Јахович беше отсечен и не доби ниту една употреблива топка, иако топката постојано кружеше околу голот на Ерменија. Од друга страна, бевме отворени и по неколку наши грешки, ерменците излегоа опасно на нашата половина. Тие не го искористија тоа, но селекција како Исланд о поголем квалитет ќе знае да го искориси тоа во своја полза.
Исланд со промена на генерациите
Националниот тим на Исланд исто така е во период на транзиција. Нивната златна генерација со која се квалификуваа на ЕУРО 2016 и СП 2018 старее и некои од клучните играчи сега се пензионирани или не играат на високо ниво. Во последно време, поради таа промена на генерацијата, Исланд има мал пад во формата. Пред неколку дена Романија во Исланд славеше со 0:2, но не импресионираше. Тие едноставно ги искористија грешките на Исланд кој на терен изгледаше подобро. Исланд има нов селектор и тие сакаат да играат повеќе фудбал со посед, што е различно од нивната претходна филозофија која се потпираше на контра напади. Но Исланд е склон да прави грешки во дефанзивата, каде што нашиот тим мора да профитира на овој меч.
Спората одбрана е слабата алка во Исланд
Исланд има интересен состав, составен од еден куп интернационалци кои играат во силни фудбалски лиги низ Европа. Само тројца играчи од списокот на „рибарите“ доаѓаат од домашното првенство, но тие имаат по 80-тина настапи за националниот тим.
Во средниор ред е и Гудмунсон од Барнли кој игра стандардно во премиерлигашот, а во селекцијата иаат и играчи од Шалке, СПАЛ, АЗ Алкмар, ФК Копенхаген …
Одбраната им е најслабата алка во тимот и е составена од посари играчи кои настапуваат дома или во скандинавските земји. Имаат искуство во тој дел од теренот, но се спори и тоа македонските крилни офанзивци ќе мораат да го искористат.
Традицијата вели дека ќе има малку голови
Досега Македонија и Исланд меѓусебе одиграле вкупно четири натпревари и досега имаме позитивен скор. Но ова ќе биде прва меѓусебна средба по дванаесет години. Последен пат двете селекции играа во 2009 година во рамки на мундијалските квалификации. Во Скопје победи Македонија со 2:0, додека во Рејкјавик славеше Исланд со 1:0.
Овие тимови играа еден против друг и во квалификациите за СП 1998, а билансот беше домашна победа на Македонија од 1:0 и гостинско реми 1:1. Очекуваме еден тврд натпревар, без голем број на голови., онака како што вели и традицијата,
Be the first to comment