Ајнтрахт Франкфурт во сабота е домаќин на Баерн Минхен во Бундеслигата, а домаќините со победа можат да се приближат на седум бода од лидерот во лигата.
Овој натпревар е меч меѓу две екипи со најдобра форма во Германија во моментов, со тоа што и двете екипи освоија по 16 поени од последните шест натпревари, а и двете екипи ја имаат и најдобрата офанзива до сега во лигата.
Ајнтрахт во одлична форма
Франкфурт е во топ форма во изминатите неколку месеци, а во овој меч влегува со четири последователни победи со што се искачија на третото место на табелата. Сега вече целта на екипата е да се пласираат во Лигата на шампионите за прв пат во историјата на клубот.
Избраниците на Ади Хатер славеа лесно со 2:0 над Келн минатиот викенд, иако во реалноста тие требаше да постигнат повеќе голови отколку што постигнаа во доминантното издание од самиот почеток на мечот.
Само комбинација на одличниот голман Тимо Хорн и некарактеристично слабиот финиш на Андре Силва го задржа Колн во игра се додека Силва конечно не ги прекина промашувањата во 57-та минута.
Иако надежи за титула нема и сите знаат дека на некој начин таквите надежи се нереални, ако тимот на Хатер го добие својот петти последователен натпревар против Баерн во сабота, патот кон врвот на табелата ќе биде отворен за нив.
Заморот и повредите проблем за Баерн Минхен
Баерн веројатно ќе ја освои Бундеслигата уште еднаш, но избраниците на Ханси Флик минатиот викенд забележаа разочарувачко реми 3:3 на гости кај Арминија Биелефелд, па сега водството пред Лајпциг е само пет поени.
Откако неодамна се вратија од Катар по освојувањето на Светскиот клупски куп на ФИФА минатата недела, на Баерн дефинитивно му треба повеќе одмор. Освен заморот, Баерн имаше проблеми и со снегот кој го прекри теренот во првиот дел на мечот со Арминија која водеше 0:2 по првите 45 минути.
Со расчистувањето на снегот од теренот за време на полувремето, Баерн многу повеќе личеше на себе во вториот период, но дојде само до 3:3.
Иако водството на Баерн на врвот на табелата останува сигурно, тие не можат да си дозволат премногу невнимателни киксови. Саботниот натпревар против Франкфурт можеби дојде во погрешно време, особено што веќе во текот на следната недела Баерн патува во Рим на гости кај Лацио во Лигата на Шампиони.
Проблемите се уште поголеми ако се знае дека Флик не може да смета на Гнабри, Коста, Мулер, Павард и Толиско.
Be the first to comment