Евертон е домаќин на Лидс Јунајтед во еден од поинтересните натпревари од Премиер Лигата кои на програмата се во сабота. Евертон важи за благ фаворит, особено што конечно минатото коло се врати на победите. Но Биелса сака да ја врати формата од стартот на сезоната пред тешкиот распоред за екипата.
Анчелоти најави дека тешкиот период помина
После серијата од четири натпревари без победа, избраниците на Карло Анчелоти изминатиот викенд ја забележија многу потребната победа на гостувањето кај Фулам за да го вратат моралот во екипата, или подобра кажано да го вратат европскиот предизвик на вистинскиот пат.
Доминик Калверт-Левин ги постигна своите деветти и 10-ти погодок во Премиер лигата оваа сезона, а Абдулај Доукуре беше стрелец на третиот гол.
Не само што Евертон не успеа да победи предходно на четири меча во низа уште од 3-ти октомври, туку тие пред мечот со Фулам ги загубија претходните три натпревари.
Анчелоти по натпреварот изјави дека „тешкиот период помина“ и дека неговиот тим сега е подготвен да продолжи понатаму, а целта сезонава е пласман на една од првите шест позиции на табелата.
Евертон немаше проблеми во постигнување на голови во овој термин, туку проблемот беше во дефанзивата. Тимот на Анчелоти ја зачува својата мрежа само еднаш сезонава и тоа уште во првото коло кога славеше кај Тотенхем со 0:1. Она што особено загрижува е податокот дека Евертон на последните шест натпревари прима по минимум два гола по натпревар.
Лидс го чека тежок распоред
Тоа што Лидс одигра 0:0 со Арсенал, ќе мора да го искористи во целост ако сака да го запре брзиот пад на табелата. Беа во топ-10 до пред некое време но имаат лоша серија и сега се на 14-то место на табелата.
Ако Евертон имаше проблеми во дефанзива, тогаш кај Лидс ситуацијата е спротивна. Лидс имаше 85 удари на последните пет натпревари и постигна пет гола (6% стапка на реализација), во споредба со девет погодоци од 45 удари на нивните први четири натпревари сезонава (20% стапка на реализација).
Тоа очигледно е проблем што Биелса ќе мора да го реши, откако неговиот тим победи само еднаш во последните шест натпревари.
Но пред Лидс се тешки гостувања. По патувањето во Евертон, тие ќе гостуваат кај Челси и Манчестер Јунајтед едноподруго, па затоа е важно за Биелса да ја пронајде својата форма што е можно побргу.
Инфо за составите
Одлуката на Анчелоти да ја смени формацијата со пет дефанзивци против Фулам се исплатеше и се очекува италијанецот да остане со таа формација овој викенд.
Симус Колеман останува надвор од теренот, па Алекс Ивоби повторно ќе има задача да настапи на позицијата десен бек, додека Лукас Дигње од другата страна исто така нема да настапи.
Се чини дека Калверт-Левин е сигурен и ќе ја предводи офанзивата бидејќи се обидува да го сруши рекордот на Лес Фердинанд од 13 гола на првите 10 натпревари во една сезона во Премиерлигата.
Што се однесува до Лидс, Родриго Морено одигра меч за тимот до 23 години во текот на неделата па неговата кондиција е веќе подобрена после коронавирусот.
Можна почетна постава на Евертон:
3-4-2-1 – Пикфорд; Годфри, Мина, Кин; Ивоби, Алан, Доукуре, Кени; Родригез, Калверт-Левин, Ричарлисон
Можна почетна постава на Лидс Јунајтед:
4-1-4-1 – Meлиер; Ајлинг, Кох, Купер, Алиоски; Филипс; Рафиња, Далас, Клич, Харисон; Бамфорд
Be the first to comment