Во вторник, Молдавија ќе игра на домашен терен против Андора во натпревар од Лигата на нации на УЕФА, во дуел меѓу две селекции кои во моментов се израмнети со по четири бода на табелата.
Домашните се обидуваат да се вратат по поразот од Летонија со 2:4, додека Андора минатото коло славеше победа над Лихтенштајн.
Молдавија сака победа пред своите навивачи
По испаѓањето од Лигата Ц во претходната кампања во Лигата на нации, Молдавија во Лигата Д имаше совршен почеток, победувајќи го Лихтенштајн со 2:0.
Сепак, тие ја пропуштија шансата да стигнат до две последователни победи откако одиграа нерешено без голови против Андора, во натпревар во кој Молдавија целото второ полувреме го играше со 10 играчи по црвениот картон на Виктор Стина.
Следуваше домашна пресметка против лидерот во групата Летонија, а Молдавија имаше предност во петтата минута благодарение на голот на Јон Николаеску, но головите на Владиславс Гутковскис и Јанис Икауниекс обезбедија домаќините да водат на полувремето.
Гутковскис ја најде мрежата по втор пат по паузата, па иако Ничита Мотпан даде гол за Молдавија, вториот гол на Икауниекс беше пресуден за прв пораз во натпреварувањето за Молдавија.
Резултатот, исто така, го претставуваше шестиот последователен пораз на Молдавија на домашен терен, нешто на кое мора да му дојде крајот. Молдавија игра дома со Андора ин Лихтенштајн до крајот па две победи од тие два меча пред својата публика, можат да значат многу кога во прашање е моралот во тимот.
Андора во најдобра серија во својата историја
Што се однесува до гостите, тие одлично одговорија по поразот од Летонија со 3:0 на воведниот натпревар од Лигата на нации.
Ремито без голови против Молдавија беше само зголемување на самодовербата пред мечот со Лихтенштајн над кого славеа со 2:1.
Тимот на Колдо Алварез мораше да чека до 78-та минута за да го отвори резултатот преку Жорди Алаез, за Чус Рубио да ја удвои предноста само четири минути подоцна.
Лихтенштајн успеа данамали во судиското надополнување, но тоа се покажа како предоцна бидејќи Андора се држеше цврсто во одбраната, забележувајќи ја третата победа во последните пет натпревари. Воедно оваа серија е најдобрата во историјата на малата земја од Андите.
Победата над Лихтенштајн дефинитивно ќе ги инспирира и ќе ја зголеми самодовербата пред натпреварот во вторник, бидејќи Андора загуби 14 од последните 18 гостински натпревари.
Тимски новости: Молдавија
И покрај поразот од Летонија, Сергеј Клешенко се очекува да ги сведе промените на минимум за натпреварот во вторник. Единствената измена што може да се случи е на средината на теренот, при што Мотпан ќе биде награден со стартно место откако постигна гол влегувајќи од клупата против Летонија.
Молдавија ќе игра во формација 3-4-3: Раилеан; Посмац, Армас, Болохан; Ревенко, Мотпан, Рата, Реабчиук; Цаиманов, Николаеску, Платика.
Тимски новости: Андора
Андора, ќе биде без услугите на Марк Валес, кој ја пропушти победата над Лихтенштајн поради повреда. Алберт Алаведра го замени Валес, а 23-годишниот се очекува да го задржи своето место во тимот. Андора нема широк кдар на фудбалери за поголема ротација, па составот ќе биде речиси непроменет.
Стандардната формација на Андора е 5-4-1: Гомес; Рубио, Ловера, Алаведра, Ребес, Цервос; Алаез, Виеира, Пујол, Бернат; Росас.
Очекување:
Нема дилема околу прашањето кој состав е поквалитетен. Молдавија требаше да слави и на првиот меч на гости, но немаше среќа. Играа 45 минути со играч помалку, а повторно беа далеку подобар и поконкретен тим на теренот. Сега пред своите навивачи, квалитетот ќе дојде до израз и би требало трите бода да останат на контото на домаќинот.
Be the first to comment