Треба да се очекуваат голови кога два тима од Бундеслигата во одлична форма ќе играат на „ПреЗеро“ арената во сабота, каде Хофенхајм ќе биде домаќин на Ајнтрахт Франкфурт.
Домаќините победија на три од последните четири натпревари, додека гостите се обидуваат да победат во четвртиот натпревар по ред во лигата, откако конечно направија добра серија по разочарувачкиот почеток на сезоната.
Домаќинот тивко напредува
Хофенхајм тивко но сигурно во последниве недели се искачи на шестото место во Бундеслигата пред овој важен дуел викендов.
Сепак, иако само два бода го делат од Фрајбург на петтото и сега три од Унион Берлин од четвртото место, исто толку бодови има и помеѓу Хофенхајм и саботните противници кои се дури на 12-то место. Крајно неизвесно изгледа табелата сезонава во Германија. Оние кои се н аместата кои водат во Европа, можат многу лесно да завршат на позициите кои се борат за опстанок, па и обратно.
Откако целосно го пропушти европскиот фудбал оваа сезона поради разочарувачкиот пласман на 11-тото место минатата сезона, шефот Себастијан Хенес бара неговиот тим да ја продолжи одличната форма со цел да ги зголеми шансите за освојување на едно од местата кои водат во Европа. Тоа е главната цел на Хофенхајм сезонава и дуелите како овој против директни конкуренти, за нив сезонава се од најголема важност.
Хофенхајм офанзивно одлиен
Трите победи во нивните последни четири севкупни, како и четирите последователни првенствени победи на домашен терен, ги трансформираа надежите и очекувањата во Хофенхајм откако стартуваа лошо со една победа од воведните пет натпревари во лигата. Тој почеток првично го намали нивниот потенцијален успех оваа сезона, но полека нештата се променија.
Последната од овие победи беше над Гројтер Фурт минатиот викенд, каде Хофенхајм славеше неверојатна победа во трилерот со девет гола.
Хет-трикот на Ихлас Бебу, како и двата гола на Џорџинио Ратер, ми донесоа победа на тимот од неверојатни 3:6.
Иако примените три гола од екипата која е на дното на табелата не беа идеални, Хофенхајм сега се враќа дома во „ПреЗеро Арена“ каде што досега ги ограничи своите противници на само пет гола и изгледа уверен дека ќе постигне уште еден позитивен резултат пред своите симпатизери.
Гласнер излезе од кризата
Во меѓувреме, гостите од Франкфурт исто така се наоѓаат во силна серија од шест натпревари без пораз во сите натпреварувања. Нивната победа во последните моменти над Унион Берлин минатиот викенд беше добредојдена и многу слатка, ако се знае дека дојде со голот на Н’Дика во 95-та минута.
Исто како и нивниот противник, така и Ајнтрахт стартуваше лошо, но сега постојано ја подигнува својата форма. Како што веќе споменавме, тие се наоѓаат на 12-то место, но се многу блиску до местата кои водат во Европа и еден меч може да промени се, особено ако тој меч е како овој – против директен конкурент.
По серијата од осум натпревари без победа, австрискиот шеф Гласнер сега надгледува седум победи во следните 11 средби, ја подигна својата екипа и е блиску до Европа, откако ги пропушти местата во Лигата на шампионите за еден бод минатата сезона.
Be the first to comment