Во потрага по својата прва победа во португалската Примеира Лига по девет гостувања, Визела оди на еден крајно тежок терен – кај на Мунисипал де Брага кај Брага – еден од најтешките терени во Португалија.
Домаќините, од друга страна влегуваат во мечот по поразот во Лига Европа од Митјиланд и ќе се обидат да се вратат на победничките патеки.
Брага игра топло-ладно
Брага не успеа да го зацврсти своето место во нокаут фазата од Лига Европа кога минатиот четврток беше поразена од Митјиланд со 3:2 во Данска во рамки на групата Ф.
Во еден крајно интересен и атрактивен натпревар во Данска, бразилскиот играч од средниот ред Евандер со гол во 93-та минута донесе победа за домаќинот, откако Галено од Брага израмни на 2:2 во 85-та минута. Со бод, Брага ќе беше сигурна на втората позиција и ќе беше патник во следната рунда, но сега има само бод повеќе од Митјиланд пред последното коло кога е домаќин на Црвена Звезда која е лидер во групата.
Но да се вратиме на Португалија. Брага сега се враќа дома каде претрпе понижувачки пораз од 6:1 од Бенфика на нивнито последногостување. Но замислете, веќе на следниот меч Брага веше таа што славеше со 6:0 и тоа против Сант Клара во Купот пред оној меч со Митјиланд.
Со 19 бода од 11 натпревари, тимот на Карлос Карвалхал моментално се наоѓа на шестото место во табелата во Примеира, два бода зад Есторил и еден зад Портимоненсе и со победа ќе избие на 4-то место.
Визела со само една победа до сега
Од друга страна, Визела се врати на победничките патеки минатиот меч кога ја победи Естрела од Сегунда Лига со 2:0 за да го запечати своето место во петтото коло на Купот на Португалија.
Момците на Алваро Пачеко сега го насочуваат погледот кон Примеира лигата каде што не успеаја да вкусат победа дури од средината на месец Август. А не се толку лоши. Од таа победа, оваа екипа има само два порази, додека сето останато се нерешени средби – вкупно седум.
Недостатокот на напаѓачка моќ е главна причина за загриженост. Имаат постигнато само девет гола до сега, па солидната одбрана не може да им носи секогаш бодови. Веројатно Визела до крајот ќе се бори за опстанок, освен доколку не се промени нешто на големо во офанзивниот дел на екипата. Но за такво нешто, ќе треба да се чека Јануари – до тогаш ќе имаат крајно тешка задача.
Be the first to comment