Борнмаут влезе во 18-то коло како лидер на табелата во англиската Чемпионшип и сака да го задржи првото место и по ова коло, особено што има огромна фаворитска улога.
Откако во саботата, Фулам славеше победа изби на првата позиција, но Скот Паркер знае дека на ова гостување кај Дерби нема друга опција освен победа и секако очекува брзо враќање на првото место.
Во време кога „Црешите“ се борат за трофејот, Дерби има 18 бода помалку од безбедната зона по нивното последно одземање бодови од страна на Англиската федерација.
Руни во невозможна мисија
И покрај амбицијата што Вејн Руни ја поседуваше кога ја презеде работата во Дерби, англиската легенда беше принудена да прифати дека Овните најверојатно ќе испаднат од лигата.
Големите финансиски проблеми на тимот си го направија своето, па откако беа казнети со одземање бодови уште пред три месеци, сега им се одземени дополнителни девет бода. Во моментов имаат -3 бода, откако вкупно сезонава се казнети со -21 бод. Доколку не беа овие казни, споре дигрите и бодовите Дерби повторно ќе се бореше за опстанок, но во моментов ќе беше во безбедната зона.
Сега Вејн Руни има речиси невозможна мисија за да го спаси тимот. Руни има само 29 натпревари до крајот за да се обиде да ја поништи негативата од 18 поени.
Дерби игра за гордост и за Руни
Искрено, Дерби во моментов игра за гордост и тоа е нешто што почна природно во оваа група играчи кои забележаа нерешени резултати во пет од нивните последни седум натпревари.
Двата порази во тој период дојдоа со резултат 2:1, од Блекбурн дома и на гости од Барнсли, , но Дерби барем постави некои основи за да се вложат сите сили за победи во текот на следните недели.
И покрај тоа што соочувањето со Борнмаут како и со Фулам во период од само три дена е тешко, тоа им дава можност на Руни и неговите играчи да се издигнат во услови кога веќе никој не верува во нив.
Борнмаут гази се пред себе
Скот Паркер беше разочаран откако беше сведок како Борнмаут го губи својот долгогодишен непобедлив рекорд. Беа поразени од Престон на почетокот на месецот и тоа за нив беше прв пораз сезонава. Одличната серија за екипата беше прекината, а со тоа и можноста да се срушат уште повеќе рекорди во Англија.
„Црешите“ сепак брзо се вратија на победите и тоа со победа од 4:0 против тимот на Свонси кој е одличен сезонава, а Доминик Соланке сега има 13 гола сезонава благодарение на уште еден меч на кој постигнува по два гола.Токму Соланке е најголема надеж на екипата. Овој фудбалер кој има само 24 години веќе играше за Челзи и Ливерпул во младите денови, па дури иа 21 меч за сениорскиот тим на Ливерпул.
Ако на Соланке се додаде и талентот на крилниот напаѓач Џејдон Ентони кој исто така постигна два гола против Свонси, тогаш јасно е дека сите очекувања се поврзани со три бода од ова гостување.
Паркер ќе сака три бода за да го зачува исклучително импресивниот рекорд без пораз на гости со 20 поени од осум натпревари и само еден примен гол до сега оваа сезона.
Be the first to comment