ЕУРО анализа: Шведска – Словачка, повoлните резутати на првите дуели се гаранција за интересен меч

После позитивните резултати на нивните почетни натпревари на ЕУРО 2020, во петок, меѓусебе ќе играат Шведска и Словачка во Санкт Петербург. Со победа било која селекција ќе си го запечати пласманот во следната фаза.

Шведска со голема самодоверба

Откако не успеаја да стигнат до нокаут фазата на едно ЕУРО уште од 2004 година, швеѓаните ќе сакаат да го надминат бодот земен против фаворитот во групата Е, Шпанија, за конечно да се пласираат во едно осминафинале.

Имаа неверојатен дисциплиниран одбранбен меч против Шпанија во ремито без голови во нивниот прв натпревар. По тој бод Шведска сега ќе влезе полна со самодоверба и во силна позиција за пласман понатаму.

Виктор Линделоф ја доби наградата за најдобар играч на натпреварот во Севилја. На другиот крај, напаѓачот на Реал Сосиедад, Александар Исак ја погоди стативата, а потоа Маркус Берг пропушти уште една одлична прилика за гол.

Патем, голот на Исак на пријателскиот натпревар против Словачка – уште во 2017 година, на само 17 години – го направи најмладиот играч што постигнал гол за Шведска во историјата. Сега, во отсуство на нивниот 39-годишен Златан Ибрахимовиќ, веројатно најголемата одговорност ќе биде на младиот напаѓач, кој веќе се докажа со Словачка, а минатава сезона и тоа како се докажа и во Ла Лига.

Се за ЕУРО 2021 на едно место, домаќини, групи, распоред, најава, анализа, очекувања, предлог типови, ковид протоколи, правила, рестрикции

Може ли Словачка до уште едно изненадување

Словачка го продолжува престојот во руската културна престолнина Санкт Петербург во овој втор натпревар во групата Е, откако минатата недела славеше со 2:1 над Полска и го направи најголемото изненадување во првото коло на ЕУРО.

Централниот бек на Интер, Милан Скриниар, со прекрасно контролиран удар, им обезбеди славна победа на „соколите“, победа со која тие можат да го повторат пласманот во осминафиналето на ЕУРО 2016 во Франција пред пет години.

Откако квалификациите завршија пред повеќе од една година, формата на Словачка падна. Под водство на Павел Хапал, а потоа и на сегашниот тренер Стефан Тарковиќ, тимот беше очаен долго време. Можеби поради таа форма, беа отпишани на стартот против Полска, но на крајот се надминаа себеси и славеа победа.

Пред оваа потенцијално решавачка средба, Тарковиќ има убави спомени против Швеѓаните, со нерешениот резултат 1:1 во Стокхолм пред три години кога дебитираше на чело на нацијата, седејќи на клупа како привремен менаџер откако Јан Козак замина.

Откако претходникот Хапал ја напушти функцијата пред финалето на плејофот на ЕУРО 2020, Тарковиќ повторно седна на клупата и обезбеди пласман на ЕУРО.

Прогноза

Шведска е фаворит. Имаат посилен состав, поголеми амбици, поголемо искуство … Нема нешто што е на страната на Словачка. Сепак, словаците изненадија со победата на стартот против Полска, па сега веќе сите сериозно гледаат на нив. На овој меч, очекувајте дека Словачка ќе игра дефанзивно и ќе чека шанси од контри, нешто слично на играта на Шведска против Шпанија. Од друга страна, Шведска ќе се отвори, бидејќи не смее да си дозволи да решава во последниот дуел од групата против Полска. Има шведска одлична екипа и јас очекувам дека ќе дојдат до трите бода.