Италија и вториот натпревар на ЕУРО 2020 ќе го одигра на Олимпико во Рим и тоа против Швајцарија. Со овој меч ќе се комплетира програмата во вторник, како и второто коло од групата А.
Откако го импресионираше континентот со убедливата победата на отворањето, Италија сега игра со локалниот ривал Швајцарија, која пак освои еден бод против аутсајдерот во групата Влс, во првото коло. И додека на „азурите“ ефективно им треба само бод за да напредуваат во следната фаза, нивните помалку славни соседи ја бараат својата прва победа на ЕУРО 2020.
Манчини е неверојатен
На вечерта на отворањето на шампионатот, по величествената и возбудлива церемонија на отворањето, фудбалерите на Роберто Манчини ја комплетираа вечерта за италијанците на највисоко можно ниво.
Дефанзивецот на Јувентус, Мерих Демирал беше ненамерен одговорен за почетното водство на Италија минатиот петок, пред напаѓачите Чиро Имобиле и Лоренцо Инсиње да ја заокружат победата од 3:0, што воедно беше деветта победа на Италија по ред.
И замислете, секоја од овие последователни победи завршија без Италија да прими гол – серија која е импресивна од секој можен аспект.
Против Швајцарија, четирикратниот светски шампион ќе се обиде да стигне до десет победи по ред, по само втор пат во нивната долга и славна историја – првата таква серија се случи за време на квалификациите. Според ова јасно е дека Манчини врши неверојатна работа со својата селекција, особено откако Италија под водство на предходниот селектор го пропушти СП во 2018 година.
Дефанзивни рекорди
Интересно, за разлика од останатите делови на тимот каде Италија има млади и талентирани фудбалери, во одбраната останаа староседелците кои играат сеуште како во најдобрите свои денови. Ветеранската одбранбена двојка на Киелини и Бонучи со својот карактеристичен авторитет се неверојатни. Додека Манчини беше пофален за воведување свежа крв во останатите линии, Киелини кој сега има 36 години, а неговиот клупски колега Бонучи 34 години – веќе заедно собраа 209 настапи за националниот тим. Ако на овие двајца ги додадеме младиот Бастони од Интер и Ацебри од Лацио, тогаш е јасно за колку силна дефанзивна линија станува збор и не треба да с ечудите како Италија не примила гол на 10 натпревари по ред.
Тој темел му помогна на поранешниот менаџер на Манчестер Сити, Манчини, да слави на повеќето негови натпревари досега. За тоа време, Италија стекна огромно искуство со младешка будност, правејќи ги претенденти за настап во финалето на Вембли следниот месец.
На швајцарците им треба и среќа за да освојат барем еден бод
Принудени да се задоволат со ремито 1:1 против Велс минатиот викенд, Швајцарија ќе гостува во италијанската престолнина знаејќи дека победа скоро сигурно ќе го запечати нивниот премин во нокаут-фазата, но знаејќи и дека со пораз тие нема да бидат отпишани.
И покрај голот на Бреил Емболо во Баку, тимот на Владимир Петковиќ прими гол во 74-та минута за конечни 1:1. Иако се наоѓаа во одлична форма и очекуваа стартни три бода, на крајот освоија само еден бод. А беа многу подобар противник на теренот. Швајцарија не разочара, но едноставно немаше среќа за да ги освои трите бода. Понекогаш на големите натпреварувања не е доволно само добра игра за да се дојде до трите бода.
Швајцарците беа елиминирани во групната фаза трипати претходно, пред конечно да ја минат оваа фаза пред пет години во Франција.
Надежите на селекцијата за надминување на ова достигнување овојпат се изградени на солиден среден ред – со Гранит Џака од Арсенал и Ремо Фројлер од Аталанта – додека Емболо и Шаќири може да претставуваат сериозна закана за застрашувачката одбранбена линија на Италија.
Петковиќ скоро сигурно ќе заземе прагматичен пристап кон Италија на овој меч и во тоа немам никаков сомнеж. Но исто така, тој е свесен дека освојувањето барем на еден бод на Олимпико ќе ја донесе Швајцарија во голема предност во споредба со другите нивни ривали од групата А.
Прогноза
Италија е фаворит за победа и би требало да ги освои трите бода. Манчини врши неверојатна работа со оваа селекција која има огромен напредок. Од дното каде што беа пред три години, ги донесе на ова ЕУРО како едни од фаворитите за титулата, а тоа не е мала работа. За серијата на Италија веќе зборевме, па јасно е дека Швајцараја треба да одигра најдобро што знае, да има и среќа па да се надева барем на реми. Но Швајцарија има доста интересен тим кој знае да одигра со најдобрите и никој не смее да ги отпише нивните шанси. Прашањето е дали Швајцарија може да го прекине дефанзивниот рекорд против Италија? Да може, но дали ќе се случи тоа … За мене опција би било и ГГ, но сепак најсигурна варијанта ми е победа на Италија.
1 Trackback / Pingback