Холандија и Австрија на Амстердам арената ќе го комплетираат второто коло од Групата Ц, во која е и Македонија, а ќе ја комплетираат и понудата во четврток. Мечот стартува од 21:00 часот, на местото каде пред неколку дена Холандија во еден крајно тежок но интересен меч славеше со 3:2 против Украина.
Победа славеше и Австрија, онаа над Македонија со 3:1 во Букурешт, па јасно е дека евентуалниот победник на овој меч е сигурен патник во следната фаза. Но и со пораз, било која репрезентација секако ќе има големи шанси за прогрес во следната фаза, особено што и четирите најдобри третопласирани селекции ќе одат во следната фаза.
Овој меч е важен и за Македонија, која во последното коло патува во Амстердам на мегдан со Холандија. Ако Холандија слави победа со Австрија, тогаш ќе биде растеретена, па дури можеби и ќе се чуда за следната фаза, а тоа ќе биде одлична можност за Македонија. На некој начин, на Македонија и одговара победа на Холандија против Австрија. Но тука веќе има и многу варијанти, многу математика, па да се сконцентрираме на овој меч.
Холандија ги потврди дефанзивните проблеми
Холандија одигра одличен натпревар против Украина во првото коло, но покажа дека има и многу слабости во нивните редови. Најголема слабост е дефанзивата. Одамна се знаеше дека Ван Дијк е повреден а е клучен во тој дел од теренот. Сепак, тука е клучниот играч на Интер, Де Вриј потоа еден од најталентирнаните млади дефанзивци Де Лихт од Јувентус Блинд од Ајакс, Аке од Сити и уште неколкумина. Но со Украина не играше ниту Де Лихт поради повреда и не се знае дали ќе игра и на овој меч. Токму тоа е најголемото прашање кога се анализира овој дуел. Ако тој игра, Холандија ќе има полесна задача, но во спротивно.
Холандија се чуствуваше одлично при 2:0 со Украина и сите мислеа дека натпреварот е готов. Сепак Украина за само 4 минути постигна два гола, па холанѓаните се спасуваа со голот на Думфриес во 85-та минута. Тоа најдобро ги прикажа слабостите во одбраната на оваа сепак одлична генерација на Холандија.
Јасно е дека Холандија е фаворит и ќе тргне напаѓачки – впрочем тие не знаат да играат на поинаков начин. Но очекувајте дека слични нешта ќе се случуваат и со Австрија, која е речиси на исто ниво по квалитет со Украина, но има многу поагилни и побрзи напаѓачи. Тоа значи дека Холандија нема да се отвара на таков начин како со Украина и многу повеќе ќе внимава на дефанзивата.
Не ја потценувајте Австрија
Австрија славеше над Македонија со 3:1, но не се изнаигра. Резултатот не е реален приказ на случувањата на теренот и мали сегменти во фудбалската игра, а можеби среќа или несреќа – одлучуваа за конечниот резултат. На крајот сепак Австрија има три бода и во Амстердам патува во високо расположени – завршија поголем дел од својата задача. Сега со само еден бод од дуелите со Холандија и Украина ќе патуваат во следната рунда.
Австрија има неверојатна средина и ќе се обиде да ги држи холанѓаните подалеку од 16 метри од својот гол. Сабицер не одигра на ниво со Македонија, но тој никогаш не врзач два слаби меча по ред, а во Австрија покрај него се неговиот клубски колега Лајмер со кого одлично се познаваат и Шлагер од Волфсбург. Ако тие ги подобрат своите перфоманси и одиграат висок пресинг како против Македонија, тогаш може да веруваме дека Австрија во најмала рака има шанси за некој бод, без разлика на големата аутсајдерска улога.
Прогноза
Холандија ќе ги освои трите бода, но не очекувајте дека тоа ќе биде остварено на лесен начин. Австрија не беше на нивото против Македонија, а славеше со 3:1. Имаат тие одлични индивидуалци од Бундеслигата, кои можат да се носат со сите репрезентации. Ќе имаат свои шанси за гол, а ако се знае дека Холандија има дефанзивни проблеми – тогаш веќе пред вас се различни можности за прогноза. Можете да одиграте чиста единица, но и на повеќе голови на овој меч. Јас би одиграл комбинирам тип – 1 и ГГ, но сепак најсигурна варијанта ми е ГГ.
Be the first to comment