ЕУРО 2020: Англија – Време е лулката на фудбалот да направи нешто и на едно Европско Првенство

Англија има состав од 33 играчи именувани за тркои се во тенинг кампот во Мидлсброу пред конечното соопштување од 26 играчи во вторник, 1-ви јуни. Во составот има четири играчи кои никогаш не ги претставувале трите лава – голманите Арон Рамсдејл и Сем Џонстон и дефанзивците Бен Годфри и Бен Вајт.

И покрај загриженоста за повредите, Џордан Хендерсон и Хари Мегваер се вклучени во тимот иако останува нејасно колку тие ќе бидат физички подготвени за напорите на ЕУРО 2020.

Во секој случај, тимот од Саутгејт со 26 фудбалери ќе биде еден од последните што ќе биде објавен во јавноста.

Состав на Англија за ЕУРО 2020:

Г: Дин Хендерсон (Манчестер Јунајтед)

Г: Џордан Сем Џонстон (Вест Бром)

Г: Џордан Пикфорд (Евертон)

Г: Арон Рамсдејл (Шефилд Јунајтед)

Д: Трент Александар-Арнолд (Ливерпул)

Д: Бен Чивел (Челзи)

Д: Конор Коди (Вулвс)

Д: Бен Годфри (Евертон)

Д: Рис Џејмс (Челзи)

Д: Хари Мегваер (Манчестер Јунајтед)

Д: Тајрон Мингс (Астон Вила)

Д: Лук Шо (Манчестер Јунајтед)

Д: Џон Стоунс (Манчестер Сити)

Д: Кириан Трипиер (Атлетико Мадрид)

Д: Каф Вокер (Манчестер Сити)

Д: Бен Вајт (Брајтон)

С: Џуд Белингем (Борусија Дортмунд)

С: Џордан Хендерсон (Ливерпул)

С: Џеси Лингард (Вест Хем Јунајтед / Манчестер Јунајтед)

С: Мејсон Маунт (Челзи)

С: Калвин Филипс (Лидс Јунајтед)

С: Деклан Рајс (Вест Хем Јунајтед)

С: Џејмс Вард-Проус (Саутемптон)

С: Фил Фоден (Манчестер Сити)

С: Џек Грилиш (Астон Вила)

С: Букајо Сака (Арсенал)

С: Џадон Санчо (Борусија Дортмунд)

С: Рахим Стерлинг (Манчестер Сити)

Н: Доминик Калверт-Левин (Евертон)

Н: Мејсон Гринвуд (Манчестер Јунајтед)

Н: Хари Кејн (Тотенхем)

Н: Маркус Рашфорд (Манчестер Јунајтед)

Н: Оли Воткинс (Астон Вила)

Знаете што е интересно кај оваа селекција која секогаш важи за една од најдобрите во Европа, со веројатно најсилна лига? На првото ЕУРО во 1968 година, Англија заврши како трета, но од само четири екипи кои играа на шампионатот … но тие се уште чекаат да го подобрат тој пласман.

Само Белгија и стара Југославија можеа да тврдат дека имале подобри перформанси на Европските шампионати без да освојат ниту едно првенство. Ќе ја минат групата и секогаш испаѓаат.

Пред пет години испаднаа од Исланд. Она што следеше, сепак, беше ново: неофицијално ремоделирање на англискиот фудбал, предводено од некои од најголемите умови во фудбалот. Во Англија пристигнаа Пеп Гвардиола, Јирген Клоп и Марсело Биелса, кои несвесно или ненамерно помогнаа тактичката шминка на земјата да се преобликува во нешто посовремено. Исланд го претвори англискиот фудбал во урнатини, но од него се издигна нешто добро.

Англија под Водство на Саутгејт игра одлично, а на минатото Светско Првенство кога сите им даваа малку шанси, тие стигнаа до полуфиналето. Ги елиминираа Колумбија и Шведска, пред да испаднат од Хрватска во полуфиналето, со која повторно ќе играат во група на овој шампионат.

За многумина, Англија има едни од најтелентираните млади фудбалери на кои им завидуваат многумина во Европа. Дополнително, фудбалерите како Санчо, Маунт, Фоден, Сака, Гринвуд, Рашфорд … добија дополнителна една година за поголемо развивање и собирање искуство по отдложувањето на ЕУРО 2020.

Кој е најдобриот играч на Англија?

Хари Кејн е постојан стрелец и лидер за пример. Кејн е се уште првото име на тимската листа на Саутгејт. Со оглед на тоа што фудбалерот на Спарс имаше уште една одлична сезона, а почна да игра во две улоги за својот тим, сега Англија има уште повеќе опции во нападот. Во одредени периоди тој имаше проблем бидејќи кон него доаѓаа малку употребливи топки, но сега со неверојатните крила кои можат да рашират, јасно е дека ќе има безброј можности за гол. Обликот на тимот најверојатно ќе се врти околу талентот на нивниот капитен.

Кој е менаџер на Англија?

Пред 25 години, Герет Саутгејт го промаши пеналот со кој Англија испадна од ЕУРО 1996, а сега најавува дека како менаџер ќе се искупи за тоа промашување. Веќе го спомнавме погоре во текстот, како личност која е веројатно клучна за напредокот на Англија во последните 3-4 години. Во тимот владее добра атмосфера, резултатите се одлични, а сменета е и филозофијата на играта што е голема позитива за нив .

Кој е најдобриот дел на тимот?

Би рекол нападот. Англија во сите делови има одлични фудбалери, но на пример во одбраната многу често знае да направи непромислени киксови. Средниот ред е одличен, но тоа пред се важи за крилата. Кејн, Стерлинг, Рашфорд, Санчо и Калверт Левин се првите опции во офанзивата. Споре димињата, јасно е дека Саутгејт ќе има слатки маки да го избере почетниот состав, но ќе има и мал милион опции, особено по страничните позиции.

Предвидување

Доколку Саутгејт ги склопи коцките како што треба, Англија ќе има тим кој ќе се бори за медал. Не би требало да имаат проблеми во групата, особено што ќе играат на домашен терен. Ако успеат д аги повторат игрите од Светското првенство во 2018 година, тогаш можат да постигнат многу. Па и време е конечно лулката на фудбалот да одигра барем финале на едно Европско Првенство.