Непоразен на пет натпревари во лигата, ПСВ Ајндховен го пречека Феенорд на „Филипс Стадионот“ во недела во судир помеѓу две екипи кои по традиција играат интересни и неизвесни натпревари.
Гостите имаат шанса по втор пат да слават над ПСВ, откако на првиот меч на домашен терен славеа со 3:1, а со тоа да се приклучат кон битката запласман во Лигата на Шампиони. Од друга страна ПСВ веројатно ќе биде задоволен и со задржување на второто место, бидејќи Ајакс веќе бега со шест бода, а има и натпревар помалку.
ПСВ веќе со големо заостанување зад Ајакс
ПСВ заостанува со шест бода од првото место на табелата во Ередивизие и веќе е далеку од трофејот. АЈакс е одличен сезонава и треба да се случи чудо, за ПСВ да успее да ги стигне. И тие се свесни за тоа и не се залетуваат премногу. Минатото коло славеа над Фортуна Ситард со 1:3.
Еран Захави постигна два гола во првото полувреме за да ја доведе својата екипа до три бода.
Со исклучок на Ајакс и АЗ Алкмар, избраниците на Роџер Шмит освоија повеќе бодови во последните пет недели од која било друга екипа. Формата е добра, а откако пред две недели испаднаа од Олимпијакос во Лигата на Европа, сега се надеваат на долга победничка низа во Холандија.
Судирот со Феенорд ќе биде вистински тест за нивните можности, но тие секако се фаворити против било која екипа кога играат дома каде сезонава имаат 10 победи и по еден пораз и реми. Освен тоа, тие имаат предност од осум бодови во однос на нивните гости.
Феенорд со катастрофална серија на гости
Откако не успеа да победи на ниту еден од трите претходни натпревари, Феенорд се врати на победите во голем стил со декласирање на Венло со 6:0 во саботата.
Стивен Бергуис беше неверојатен со гол и две асистенции, но впрочем неверојатен беше целиот тим.
Избраниците на Дик Адвокат имаа многу поголеми амбиции сезонава и долго време беа блиску до Лигата на Шампиони, но серијата од три меча без победа до минатото коло, на некој начин ги сруши нивните надежи. Сега, ако сакаат да се надеваат на исполнување на амбициите се пред императив да слават кај ПСВ, каде што немаат победено од 2016 година. Освен тоа, серијата на Феенорд на гости е катастрофална оваа година. Тие во 2021 година имаат само една гостинска победа и тоа над Спарта Ротердам на 10-ти Јануари. Од тогаш, тие забележаа пет порази и две ремија. Со една таква серија, неверојатно е да се очекува дека тие ќе ги исполнат своите амбиции.
Сепак, како што претходно споменавме, тие веќе го совладаа ПСВ еднаш оваа сезона, што треба да послужи како извор на инспирација пред овој многу важен натпревар за нив.
Be the first to comment