Во понеделник нема поголема фудбалска програма во најсилните фудбалски лиги во Европа, па внимание од обложувачки аспект ни привлече дербито во најдобрата фудбалска лига на Бугарија каде Лудогорец е домаќин на ЦСКА Софија.
Ова е најголемо фудбалско дерби во Бугарија во моментов, но само кога во прашање е квалитетот на екипите кои се единствени со шампионски амбиции во оваа земја, а воедно и две екипи кои играат во групните фази на европските натпреварувања.
Лудогорец веќе нема лесна задача
Лудогорец е неприкосновен во изминатите неколку години во Бугарија, но оваа сезона има сериозен конкурент во ЦСКА Софија. Сепак, Лудогорец е повторно фаворит за трофејот, а овој меч за нив е од огромна важност. Во изминатите сезони беа навикнати целосно ат кон европските натпревари, но сеонава ситуацијата е поразлична. Немаат комотна предност на табелата и мораат да бидат целосно сконцентрирани и на домашниот шампионат. Со предност од само четири бода, а со евентуален неуспех во понеделник, таа прендост може да се стопи, а тоа ги плаши сите во шампионот.
Имаа тежок меч во четвртокот во Лига Европа и доживеаа пораз во Белград со 1:0, но она што загрижува е нивната игра. Беа целосно надиграни и немаа посериозни шанси за гол. Ако на ова се додаде и поразот минатото коло во бугарската лига од просечната ЦСКА 1948 и тоа со 2:0, тогаш јасно е дека сега имаат само една можност – победа.
ЦСКА Софија сака титула
1334 дена – толку ЦСКА Софија е без гол во првенството против Лудогорец во Разград. Последен пат „црвените“ дале гол на „Хувефарма Арена“ во првенството пред три ипол години – на 6-ти април 2018 година во поразот од 2:3.
Но сега работите се поинакви и целосно променети. Еден од сопствениците на ЦСКА СОфија е познатиот англиски поранешен фудбалер Алан Пердју, кои има големи амбиции и огромни вложувања во екипата. Летово направија вистински бум со засилувања и сега екипата е целосно интернационална и добро покриена на сите позиции. Тоа сезонава беше доволно за пласман во Конференциската европска лига, но следната сезона амбициите ќе бида уште повисоки.
Сега се размислува за титула, а кога таа е во прашање, тогаш овој меч можеби ќе биде клучен. Во овој дуел, екипата влегува по поразот кај Бодо Глимт со 2:0 во Норвешка во меч кој беше тежок, но во кои екипата покажа голем потенцијал.
Be the first to comment