Ајакс и Јанг Бојс играат во осмина-финалето во Лигата на Европа и според многумина, овој меч би требало да биде еден од поинтересните во оваа фаза.
Додека холандскиот гигант го доби двобојот со Лил во предходната фаза, Јанг Бојс изненадувачки ја елиминираше екипата на Баер Леверкузен.
Ајакс не крие дека ја сака титулата
Со шест поени предност во Ередивизија и веќе со обезбеден пласман во финалето на холандскиот Куп, Ерик Хаг може да биде презадоволен од оваа сезона.
Сепак, по нешто помалку од две години од нивната бајка во Лигата на шампионите, постои можност да се освои уште еден европски трофеј. Во Ајак не ја кријат својата амбиција и веруваат дека можат до трофејот во Лигата на Европа.
Иако беа разочарани што отпаднаа од Лигата на Шампионите, тие се справија на одличен начин со тоа. Откако загубија од Аталанта со 0:1 на почетокот на Декември, Ајакс има 16 победи и три нерешени средби.
Натпреварот со Јанг Бојс претставува идеална шанса да се приближат до второто финале во последните четири години.
Јанг Бојс ќе нападне од стартот
Јанг Бојс не успеа да забележи победа откако славеше на гости кај Леверкузен минатиот месец и сега е во серија од три последователни нерешени резултати во швајцарскиот шампионат.
Како и да е, тимот на Херардо Сеоан има предност од 19 поени на домашната сцена, а тоа им дозволи целосно да се фокусираат на настапот во Лигата на Европа.
Како јасни аутсајдери пред двомечот со Леверкузен, тие ги декласираа своите противници постигнувајќи шест гола на двете средби.
Нивниот офанзивен пристап е голема опасност кон голот на Ајакс и нема дилема дека во Холандија ќе играат на истиот начин, офанзивно од самиот старт. Впрочем, Јанг Бојс и не знае да игра на друг начин – освен напаѓачки.
Be the first to comment