Ујпешт ќе биде принуден да игра со неколку младински играчи во тимот во недела против МТК, поради тоа што голем дел фудбалерите во првата екипа се позитивни на коронавирус. Околу 10 фудбалери нема да бидат во тимот за овој натпревар со МТК, а на клупата нема да биде ниту тренерот кој исто така е позитиве на Ковид-19.
Ујпешт бараше одложување, но сино-белите не се согласија на тоа.
„Не можеме да го прифатиме барањето за одложување на ФК Ујпешт затоа што густиот календар за натпреварување го прави речиси невозможно заменувањето на одложениот натпревар да се изврши во еднакви услови за двата клуба. Паузата за репрезентативни мечеви нудат шанса да го сториме тоа, но имаме неколку репрезентации до 21 година, така што нема да има можност да се надополни натпреварот, информираа од МТК.
Од друга страна изјава имаше Давид Банаи, голманот на тимот на Ујпешт: На теренот ќе излезат играчи кои се уште се борат со повреди. Младите беа земени во првиот тим, а никогаш до сега не тренирале со нас. Би сакал да им се заблагодарам на младите, стручниот штаб на вториот тим и на У19, за целата недела во кои бевме соиграчи, без тренери, без физиотерапевт, а тие дојдоа и ни помогнаа без збор. Тоа на некој начин дополнително не мотивираше.
Be the first to comment