Македонија – Косово: ЕП и блиску и далеку, да ги искористиме проблемите на Косово!

Македонија - Косово

Конечно дојде и тој ден. Македонија игра полуфинален бараж за пласман на Европско Првенство против Косово. Не треба да се трошат премногу зборови за важноста на овој натпревар, кој за целата држава може да биде историски.

Најголем меч во кариерите на македонските фудбалери

Историски меч! Натпревар на кариерите на македонските фудбалери, на македонскиот фудбал во целина … Само два меча не делат од пласман на Европско Првенство, два меча кој мора да се добијат. Се во минатото останува зад нас, се е насочено кон овој натпревар со Косово. Да не се повторуваме, сите репрезентативци се сплотени во своите изјави дека ќе го остават срцето на терен, а тоа заедно со квалитетот би требало да донесе победа за Македонија. Тука е и домашниот терен кој е предност, без разлика што ќе се игра без публика. Македонија ќе биде без Елмас, но Ангеловски има квалитетни фудбалери кој можат да го надополнат неговото отсуство па и да одиграат за него, за по еден месец во финалето со Елмас во тимот да се пласираме на историско Европско Првентво за нас.

Тричко ќе биде изненадувањето за Косово

Треба да се заборават предходните два натпревари. Одигравме навистина слабо. Славевме над Ерменија со 2:1 но бевме надиграни на теренот во секој поглед и двата гола ги дадовме од пенали. Бевме надиграни и во Грузија но некако извлековме 1:1. Сега, мора да се одигра на едно повисоко ниво за да се дојде до победа, бидејќи неможеме да се надеваме на среќата. Селекторот веќе го има склопено мозаикот и ќе излезе со формација 4-2-3-1. Одбраната е стандардна со Рисровски и Ристевски на бочните позиции и Велковски и Муслиу на централните места. Дефанзивци во средината ќе бидат Адеми и еден од Спировски и Николов и тоа е единствената дилема на селекторот. Барди, Алиоски и Пандев ќе бидат офанзивците во средината, а во нападот би требало да стартува Тричковски за прв пат по подолго време. Несторовски ќе биде на клупата и тоа би требало да биде изненадување за Косово. Тричко е во одлична форма во својот тим и ако продолжи така во репрезентацијата, може да се очекува многу од него. Веројатно тој ќе торита со Пандев кога на капитенот ќе му треба одмор, бидејќи крилната позиција бара многу трчање. Се на се, еден добро познат тим кој ако одигра како што знае може да дојде до толку посакуваната победа.

Косово со големи проблеми

Фудбалерите на Косово беа испратени кон Македонија на еуфоричен начин. Како и за нас, така и за нив – ова е историски меч. Во изјавите најавувата борба, но тоа од нив и можеме да го очекуваме. Иаат голем квалитет, а тоа го докажаа во минатите квалификации кога завршија трети пред Бугарија и Црна Гора. Имаат интернационален состав и фудбалери кој играат во најсилните лиги. Но ќе бидат видно ослабени. Нема да играат најдобриот напаѓач Муриќи кој пред еден месец потпиша за Лацио, потоа најдобриот дефанзивец Рахмани од Наполи, како и најдобриот во средината Рашица од Вердер. Тоа е голем хендикеп за нив, но и покрај тоа Косово има добри индивидуалци.

На секоја позиција Косово има добри фудбалери

Бериша и Зенели од француски Ремс се одличен тандем. Челина од Свонси премина во Дижон и се наоѓа во добра форма. Во нападот ќе стартува Нухиу кој до летово играше во голема форма за Шефилд Венздеј во Англија, а сега премина во Апоел. Одбраната без Рахмани нема да биде иста, но тука е Алити од Цирих, а особено треба да се внимава на бековите Хадерѓонај од Кашимпаша и Војвода од Торино. Се на се, еден компактен тим со фудбалери кој играат на високо ниво и тим кој покажа дека може да игра и со многу поголеми репрезентации од Македонија.

Ќе има голема неизвесност

Очекувам еден неизвесен натпревар, со многу борба на теренот и не исклучувам можност за многу картони и на двете страни. Македонија има нешто поголем квалитет и е повоиграна. Ако треба да најдам предност кај Косово тоа е во однос на тркачките предипозиции. Тие се селекција кја многу трча и единствено таму можеме да бидеме инфериорни. И букмејкерите немаат свој фаворит па според нив Македонија е благ фаворит со коефициент околу 2.40, но коефициентот опаѓа по проблемите во Косово. За реми коефициентот е околу 3.20 исто колку што е и за победа на Косово.

Мој предлог:

Двете екипи да постигнат гол @ 1.90 во 10Bet

Македонија да се пласира во финалето @ 1.70 во 10Bet

Be the first to comment

Leave a Reply

Your email address will not be published.


*