СП во кошарка – Група Г: Франција и Германија без конкуренција во групата

Натпреварите од Групата Г ќе се играат во модерната метропола Шенжен, која е дел од мегаполисот Делта на реката Перл и граничи со други големи урбани центри како Хонг Конг и Донгуан. Двете европски екипи Франција и Германија ќе привлечат големо внимание, но тука е и Доминиканска Република која секогаш знаела да изненади, како и аутсајдерот Јордан.

ФРАНЦИЈА – Петлите сакаат медал

Франција е фаворит во групата, но и еден од скриените фаворити на првенството. Загубија со 5 поени пред неколку дена од Србија, 61:56 во еден одличен меч кој покажа дека во добра форма доаѓаат во Кина. Освен тој пораз, Франција загуби единствено од Турција во првиот подготвителен меч, а славеше над Нов Зеланд, Аргентина, Бразил, Црна Гора и Тунис.

Франција има извонредно ростер на играчи во Кина. Имаат играчи на секоја позиција со НБА искуство: Руди Гоберт од Јута, Николас Батум од Шарлот, Еван Фурнир од Орландо и Франк Нтиликина од Њујорк. Тоа е многу повеќе од повеќето други екипи, а со оглед на искуството и хемијата на тимот, оваа селекција може да стигне и до финалето.

ГЕРМАНИЈА – Со НБА играчи германците можат далеку на шампионатот

Можеби единствениот тим што може да и нанесе на Франција вистински проблем во Шенжен е Германија, иако нивниот пораз од Јапонија од пред неколку дена е загрижувачки. Сепак, оваа екипа има длабочина и талент, доволно за да ги исфрли Доминиканците и Јорданците во оваа група, но можеби не доволно во втората фаза каде ќе се сретнат со најдобрите од „Групата на смртта“.

И Германија како и Франција има четири играчи со искуство од НБА лигата: Даниел Теис во Бостон, Денис Шродер од Оклахома, Денис Шексер, Макси Клебер од Далас и поранешен играч на ЛА Лејкер Исак Бонга, кој сега е со Вашингтон. За разлика од Франција, сепак Германија нема исто ниво на искуство и хемија во тимот и тоа може да се покаже како главна разлика меѓу нив, или пак ако се гледа во однос на тоа колку далеку можат да стигнат.

ДОМИНИКАНСКА РЕПУБЛИКА – Видно ослабени со многу мали шанси

Екипа која што има два одлични НБА играчи и која ќе преставуваше тежок залак за сите репрезентации. Но сепак сега ќе гледаме еден аутсајдер кој би требало лесно да биде поразен од фаворизираните репрезентации во оваа група. Ал Хорфорд и Карл-Ентони Таунс нема да играат на ова Светско првенство, а тоа значи дека селекцијата е далеку од својот реален квалитет. Виктор Лиз и Ригоберто Мендоза ќе ја предводат оваа селекција, како и 6’11високиот центар Елој Варгас.

ЈОРДАН – АУТСАЈДЕР

Соколите од Јордан би требало да имаат три порази во оваа група, без разлика што се предводени од иконата за земјата Заид Абас, натурализираниот играч Дар Такер и центарот на Фенербахче Ахмад Ал-Дваири. Овој тим може да им парира на сите селекции во групата но не 40 минути. Длабочината во составот е мала, а овие тројца кои ги спомнавме немаат замени. Јордан одигра дури 10 подготвителни натпревари, а единствено славеше над Сенегал и над вториот тим на Кина. Евентуално една победа за оваа селекција во групата, би било големо достигнување.

ПРЕДВИДУВАЊЕ:

1.ФРАНЦИЈА

2.ГЕРМАНИЈА

3.ДОМИНИКАНСКА РЕПУБЛИКА

4.ЈОРДАН