Македонија мора да слави победа на еден од наредните два меча ако сака да се пласира во следната фаза на Светското Првенство. По поразот од Хрватска нашите ракометари мора да излезат на терен против Шпанија со кренати глави, без респект и без калкулации доколку сакаат да се надеваат на успех.
Поразот од Хрватска беше очекуван, но играта …
Македонија по двете стартни победи против аутсајдерите во групата Јапонија и Бахреин доживеа дебакл од Хрватска. Проблемот е во тоа што победите беа очекувани, можеби и поразот но не со толку голема разлика. Многумина сметаат дека резултатот не е вистински одраз на случувањата на теренот, но дали стварно е тоа така!? Игравме со седум ракометари во напад цел меч, а повторно тешко доаѓавме до шанса за гол, особено во одредени периоди кои траеја многу долго. Освен тоа, Хрватска играше без својот мотор и организатор на нападите Лука Циндриќ. Од друга страна, одбраната правеше почетнички грешки и многу често оставеше празен простор. Јасно е дека за некои ракометари овој шампионат е преголем товар и залак.
Со седум ракометари тешко се игра на Светско Првенство
Кузмановски имаше блесоци во одредени моменти против Хрватска, но тоа повторно беше под очекувањата. Тгалевски пак повторно одигра слабо иако од него се очекуваше многу на ова Светско Првенство. Можеби токму нивните бледи игри се причината за слабиот резултат против Хрватска. Македонија нема адекватни замени на бековските позиции. Чурлевски веднаш направи почетничка грешка откако влезе во игра, а истото се случи и со Серафимов. Двајцата поседуваат квалитет, но се чини дека не можат да се носат со притисокот наречен Светско Првенство. Тоа значи дека останува единствено Филип Лазаров да ротира со Кузмановски и Талевски, но тој игра во трета лига, нема силни натпревари долго време и тоа е голем хендикеп за него.
Шпанија е наша ноќна мора
,,Црвената фурија” долго време е наша ноќна мора, пречка која неможеме да ја поминеме. Шпанија на некој начин, за нас е добро позната селекција, со препознатлив стил на игра, но со совршен пристап кон сите натпревари. Досега со Шпанија имаме одиграно вкупно шест натпревари и на сите натпревари доживеавме порази. Поразите не беа какви било, туку сите високи. Во последните две години прво загубивме на Светското Првенство со 25:29, за пред една година на Европското Првенство да бидеме декласирани со 31:20. На тој меч не водеше Раул и токму тој дуел треба да ни биде поука за сега. Македонија постигна само шест гола во првото полувреме и вториот дел беше рутина.
Како против моќната Шпанија !?
Шпанија не е селекција која има само добри поединци и не се репрезентација која има само една ѕвезда. Тие имаат се, по двајца играчи на секоја позиција и неверојатен тимски дух.
Треба посебно да внимаваме на нивната фантастична игра на пикер и неверојатниот преглед на игра на нивните средни бекови.
Шпанија ја има веројатно најдобрата дефанзива во последните 10 години во светот Морос – Гвардиола, но овој двоец веќе е во одминати години. Тие се спори иако доста силни, па Раул би требало да знае како да одиграме против нив.
Можеме многу да пресликаме од играта на Јапонија која на големо изненадување на сите се држеше долго време во егал пред неколку дена против Шпанија. Сепак слабата игра на Шпанија на тој меч не смее да не залажува и не мора да значи ништо пред дуелот.
Наш предлог:
Да паднат помалку од 58.5 гола @ 1.40 во 1хBet
Азиски Хендикеп +7.5 за Македонија – Победа на Македонија @ 1.45 во 1хBet
Be the first to comment