Македонија по само неколку дена ќе одигра втор пријателски натпревар на подготовките во Анталија. По ремито 0:0 со Финска, сега на ред е дуел со Азербејџан кој ни е стар познаник, но и редовен “пациент”.
Успешната серија трае и трае
Одличната мината година за нашата репрезентација продолжи пред неколку дена со ремито против Финска 0:0. Македонија во 2017 година играше одлично. Серијата која ја има македонската репрезентација е една од најубавите во историјата, 11 меча во кои забележа 5 победи, 5 нерешени средби и само еден пораз и тоа од моќната Шпанија. Освен со Шпанија, Македонија беше аутсајдер и на останатите натпревари освен на првиот и предпоследниот меч против Лихтенштајн против кого на два пати славеше. По првиот меч со Лихтеншатјн следеа два пријателски меча и две одлични изданија, победа над Белорусија со 3:0 и реми со Турција ( двата меча се одиграа во Скопје ). По тие пријателски мечеви дојде и поразот од Шпанија со 1:2. На ред дојде Израел и победата во Тел Авив со 0:1, како и ремито против Албанија во Струмица 1:1. Следуваше наградата за одличната година, односно ремито и бодот во Торино кај гигантот Италија. Минатата година ја заокруживме со одлична победа од 2:0 против Норвешка во пријателски меч во Скопје. Годинава пак ја почнавме пред неколку дена со резултат 0:0 против Финска во Анталија.
Пред неколку дена Македонија одигра ниту добро, ниту лошо
Македонија против Финска не одигра слабо, но не одигра ни добро. Само една 100% шанса имаше Македонија во текот на сите 90 минути. Ако ги погледнеме шансите на Финска која имаше исто така една шанса и една полушанса, тогаш нерешениот резултат е реален. Сепак Ангеловски не смее да се надева дека со таква игра Македонија може да напредува. Средниот ред и одбраната функционираа добро, но нападот беше очаен. Едноставно, македонските напаѓачи како да не постоеја на теренот. Средниот ред играше бес грешка, го имаше посетот на топката и го диктираше темпото и тоа е добро, но мора да се има последен пас, затоа што така се создаваат шанси за гол.
Азербејџан е стандарден “пациент” на Македонија
Македонија и Азербејџан досега имаат одигро 5 натпревари. Македонија нема пораз против оваа репрезентација, а има 4 победи и едно реми. Во квалификациите за пласман на Светското Првенство во 2002 година Македонија дома славеше со 3:0, а на гости одигра 1:1. Потоа следеа три пријателски натпревари и три победи за Македонија. Прво на гости славевме со 1:3 во 2010 година. Потоа со голот на Пандев во 2011 година славевме со 0:1. Последен пат против Азербејџан игравме во Мај 2016 година на дебито на Посинечки за Азербејџан и победивме со 3:1. И тогаш селектор на Македонија беше Игор Ангеловски, а головите за Македонија ги постигнаа Радевски, Пандев и Несторовски кои и сега се во репрезентацијата.
Азербејџан многу вложува во фудбалот, но без резултат на репрезентативен план
Азербејџан вложува во фудбалот милионски суми, како во инфраструктура, така и во засилувања во клубовите. Фудбалот во оваа земја е во голем подем, но попусто кога едноставно во земјата не се раѓаат фудбалски таленти. Просинечки дојде во 2016 година на кормилото на оваа селекција со голема цел, да ја однесе земјата на некое големо натпреварување, но тоа тешко дека ќе се случи барем од денешна гледна точка. Во квалификациите за пласман на Светското Првенство, Азербејџан беше единствено пред Сан Марино во својата група со победи над Сан Марино на два пати и над Норвешка. Забележаа само едно реми и тоа над Чешка. Пред неколку дена оваа селекција во пријателски меч загуби од Белорусија со 0:1 и сега е во серија од 4 меча без победа.
Букмејкерите не веруваат во Македонија
Се изненадив кога видов колку е голем коефициентот за победа на Македонија. Според букмејкерите Македонија е фаворит, но со коефициент 2.40 во 10Bet. Од друга страна за победа на Азербејџан коефициентот е 3.20 во Unibet. За реми пак коефициентот е 3.30 во истата обложувалница. Реално, Македонија е многу поголем фаворит од тоа што сметаат обложувалниците. Македонија има поквалитетни фудбалери, се наоѓа во многу подобра форма, има многу поголема хемија и атмосфера во тимот.
Наш предлог:
Be the first to comment