Македонија – Норвешка: најава, анализа и предлог тип

Македонија - Норвешка

На Филип Втори арената во Скопје ќе играат Македонија – Норвешка. Овој пријателски меч ќе биде последен и за двете селекции за оваа година. Двете селекции во квалификациите разочараа, иако и двете се во добра форма во моментов. Шансите за победа се речиси израмнети и тешко е да се предвиди конечниот победник. Тоа значи дека во секој случај ќе гледаме неизвесен меч во Скопје.

Во 2017 година Македонија со само еден пораз

Дуелот Македонија – Норвешка треба да биде круна на одличната година за нашата репрезентација. Македонија оваа 2017 година игра неверојатен фудбал. Оваа серија која ја има македонската репрезентација е една од најубавите во историјата, 9 меча во кои забележа 4 победи, 4 нерешени средби и само еден пораз и тоа од моќната Шпанија. Освен со Шпанија, Македонија беше аутсајдер и на останатите натпревари освен на првиот и последниот меч оваа година против Лихтенштајн против кого на два пати славеше. По првиот меч со Лихтеншатјн следеа два пријателски меча и две одлични изданија, победа над Белорусија со 3:0 и реми со Турција ( двата меча се одиграа во Скопје ). По тие пријателски мечеви дојде и поразот од Шпанија со 1:2. На ред дојде Израел и победата во Тел Авив со 0:1, како и ремито против Албанија во Струмица 1:1. На претпоследниот меч дојде и наградата за одличната година, односно ремито и бодот во Торино кај гигантот Италија.

Ангеловски со еден куп проблеми со повредени фудбалери

Селекторот Игор Ангеловски се соочува со големи проблеми во составот. Поради повреди отпаднаа неколку фудбалери, а уште поголем проблем створи селекторот неповикувајќи дополнителни фудбалери, како замени за повредените. Односно повика еден младинец кој сеуште нема ниту еден сениорски настап, како и нестандарден првотимец.

Фудбалерот на Динамо Загреб, Адеми заработи повреда на еден од тренинзите на хрватскиот тим, по што остана во Загреб. Повреди влечат и Висар Муслиу и Кире Ристевски и нема да стартуваат, но ќе можат да одиграат барем по десетина минути. Поради повреда претходно отпаднаа Љупче Дориев и Никола Ѓорѓев, а на нивно место селекторот во националниот тим ги повика Кире Маркоски и Анес Османовски. Исто така, Норвешка ќе ја пропушти и Илија Несторовски, по барање на Палермо.

Се на се неколку фудбалери од првичниот список нема да настапат против Норвешка, а повеќето од нив ќе беа во првиот тим.

Кој ќе му прави друштво во нападот на Пандев ?

Со оглед на тоа што овојпат Илија Несторовски не е во комбинација за настап, друштво во нападот на Пандев веројатно ќе му прави Тричковски. Во средниот ред, Барди, Спировски и Хасани повторно треба да ја креираат играта на нашиот национален тим. Одбраната ќе претрпи промени. Висар Муслиу и Кире Ристевски поради повреда нема да бидат во првиот тим. Така во тандем со Дарко Велковски, стартер ќе биде Ѓоко Зајков, двоец кој играше заедно во младата фудбалска репрезентација. Во една таква ситуација, Ангеловски може да комбинира, дали Стефан Ристовски ќе игра лево наместо десно, а Радески да игра на десната позиција, или пак Алиоски да добие повторно улога на левата бековска позиција. Во секој случај јасно е дека ќе бидат измешани картите околу формациската поставеност на фудбалерите, а тоа може да биде проблем за репрезентацијата.

Македонија

Норвешка во добра форма пристигна во Скопје

Норвешка одигра променливи квалификации. Во својата група заврши на 4-то место пред Азербејџан и Сан Марино. Од друга страна тие завршија позади Германија, Северна Ирска и Чешка. Сепак слично како и Македонија, така и Норвешка најдобрите резултати ги имаше при крајот на квалификациите. Сега и тие се во одлична форма и на предходните 6 меча имаат само еден пораз, но од фаворитот Германија со убедливи 6:0. Затоа пак славеа со Сан Марино, Северна Ирска и Азербејџан и одиграа нерешено со Чешка и Шведска. Во секој случај норвешката јавност е разочарана од овие квалификации и сега ќе биде задоволна единствено со победа. Се гледа дека формата им оди во нагорна линија, а овој меч против Македонија ќе биде појдовна точка за следните квалификации каде што Норвешка има далеку поголеми амбиции.

Лагербак ја препороди Норвешка

Ларс Лагербак беше топло прифатен од норвешката јавност. Токму тој ја препороди селекцијата која при неговото доаѓање на селекторското место во февруари беше на дното во квалификациската група. Од тогаш почнаа добрите резултати на Норвешка и се чини дека тој ќе биде најголемата закана за Македонија. Се работи за неверојатен тактичар, кој може да надмудри и многу посилни селекции и игра единствено на резултат. Воопшто не му се битно поседот на топка, додавањата, атракции или слично. Тој е роден победник и многу повеќе сака да победува во лоша игра, отколку тимот да игра добро.

Скок играта најголема опасност за Македонија

Скок играта на Норвешка ќе бида голем проблем за Македонија. Норвежаните не се добри техничари и се свесни за тоа. Затоа пак се одлични во скоковите и речиси половина од своите голови ги постигнуваат од нафрлени топки или од прекини. Токму таму Македонија е најслаба и знае да прими ефтини голови од прекин. Региниусен и Нордвеит се централни дефанзивци, но при секој прекин се пред противничкиот шеснаесеттик. Содерлунд од Сент Етиен е исто така опасен со глава, а тука се и Јохансон и Берге. Според тоа Велковски и Зајков ќе мора да бидат на многу повисоко ниво одколку досега при прекините.

Букмејкерите се премислуваат

Според фудбалските експерти и букмејкерите на мечот Македонија – Норвешка нема изразит фаворит. На иста бранова должина се и најпознатите типсери кој предвидуваат нерешен резултат. А и ние сме тука некаде со размислувањата. За победа на Македонија коефициентот е во нагорна линија. Пред неколку дена Македонија беше фаворит, но во моментов коефициентот е 2.90 во Unibet. Норвешка од аутсајдер пред неколку дена, сега е фаворит а најголем коефициент за двојка може да најдете во Pinnacle и е 2.73. За реми пак најголемиот коефициент е 3.16 и тоа во Marathonbet.

Наш предлог:

Двете екипи да постигнат гол @ 2.00 во Bet365

Прво полувреме да заврши нерешено @ 2.00 во Bet365

Be the first to comment

Leave a Reply

Your email address will not be published.


*