Македонија – Лихтенштајн: висока победа за крај на квалификациите

За Македонија завршуваат уште едни лоши квалификации на кој ќе заврши на 5-то место на табелата, но со игри и резултати во вториот квартал од квалификациите кои ветуваат многу подобри денови за репрезентацијата. По ремито со Италија, сега на ред е последниот дуел на домашен терен против Лихтенштајн кој од Струмица ќе си замине со многу голови во својата мрежа, доколку Македонија игра на ниво како во последно време.

По ремито со Италија, Македонија очекува убедлива победа

Македонија се наоѓа во одлична форма во последно време и во последните 7 меча има само еден пораз, а во овој дуел со Лихтенштајн влегува по одличниот резултат против Италија на гости и ремито 1:1. Атмосферата е на одлично ниво, хемијата помеѓу фудбалерите е голема, а селекторот Игор Ангеловски се чини го пронајде рецептот за успех. Не само што Македонија има само еден пораз на последните 7 меча, туку игра и одличен фудбал. Сите фудбалери си го знаат своето место, ги извршуваат задачите на беспрекорен начин и тоа секако дека ќе мора да се заокружи со победа против Лихтенштајн и тоа не каква било победа, туку со повеќе голови во противничката мрежа.

Во 2017 година Македонија со само еден пораз

Македонија оваа 2017 година игра неверојатен фудбал. Оваа серија која ја има македонската репрезентација е една од најубавите во историјата, 7 меча во кои забележа 3 победи, 3 нерешени средби и само еден пораз и тоа од моќната Шпанија. Освен со Шпанија, Македонија беше аутсајдер и на останатите натпревари освен на првиот меч оваа година против Лихтенштајн кој на гости го добивме со 0:3. Следеа два пријателски меча и две одлични изданија, победа над Белорусија со 3:0 и реми со Турција ( двата меча се одиграа во Скопје ). По тие пријателски мечеви дојде и поразот од Шпанија со 1:2. На ред дојде Израел и победата во тел Авив со 0:1, како и ремито против Албанија во Струмица со 1:1. На последниот меч дојде и наградата за одличната година, односно ремито и бодот во Торино кај гигантот Италија.

Без Спировски и Велковски, но со Елмас, Ѓорѓев и Адеми

Тешко е да се процени дали Македонија е ослабена со неиграњето на Спиросвки и Велковски кои стартуваа против Италија, или пак е засилена со Елмас и Ѓорѓев кој дојдоа од младинската селекција, како и со Адеми кои конечно по две годишна пауза се враќа на зелениот терен. Спировски стана една од клучните алки во тимот под водство на Ангеловски, игра одлично на послендите мечеви и ја диктира играта на средината на теренот. Спировски заработи жолт картон на мечот со Италија и е суспендиран за оваа средба, но тоа не би требало да претставува проблем против репрезентација како Лихтенштајн, а од друга страна треба да биде можност за да се воиграат со тимот помладите, поточно Елиф Елмас. Македонија ќе биде и без Дарко Велковски кој ја повреди задната ложа и нема да биде во комбинација за настап, со што Ангеловски останува со само два централни бека и тоа Муслиу и Зајков и ова веќе може да претставува проблем за селекторот.

Адеми можеби ќе има минутажа на овој меч

Македонскиот репрезентативец Аријан Адеми по повеќе од две години повторно е на зелените терени и ќе може да игра официјален натпревар. Фудбалерот на Динамо Загреб беше под суспензија од УЕФА поради наводно користење на допинг, а откако правдата излезе на виделина, суспензијата беше укината и тој ќе може пак да игра фудбал. Адеми во септември, 2015 година, беше суепендиран затоа што на тест беше позитивен на „станозолол“, нелегален лек. Фудбалерот тераше правда долго време и одговорно тврдеше дека не ја земал оваа супстанца свесно, а откако ја доби „војната“ со челните луѓе на фудбалот може да се врати во дресот на Динамо и Македонија.

Официјално суспензијата истече на 8-ми септември, па селекторот не ја исклучи можноста Адеми да добие минутажа. Дефинитивно Адеми нема да стартува на овој меч, но доколку Македонија има добар резултат во втората половина од второто полувреме, голема е веројатноста Адеми да добие шанса за настап.

Селекторот принуден на формациски промени

Ангеловски е принуден да направи формациски промени во тимот, како поради отсуството на Спировски и Велковски, така и поради слабиот квалитет на противникот. Многу веројатно е дека ќе играме отворена формација 4-2-3-1, или пак 4-3-3. Сепак постои и мала опција Ангеловски да ја зачува формацијата 3-4-1-2 и тоа само поради Алиоски кои н еби можел да стартува на позиција лев бек доколку истрчаме со четворица во одбраната. На голот ќе стартува Димитриевски, во одбраната Зајков и Муслиу на централните позиции и Ристовски на десната страна. На левата бековска позиција зависно од формациската поставеност ќе стартува или Алиоски или Тошевски. Во средниот ред креатори ќе бидат Барди, Хасани и можеби Елмас, додека во нападот Несторовски, Пандев и Трајковски или Алиоски во зависност од формацијата. Секако не смее да се заборави и Радевски кои одигра одличен меч во Торино.

Формација 4-3-3: Димитриевски; Зајков, Муслиу, Ристовски, Тошевски; Барди, Хасани, Елмас; Пандев, Алиоски, Несторовски.

Формација 3-4-3: Димитриевски; Зајков, Муслиу, Ристовски; Алиоски, Радевски, Барди, Хасани;Пандев, Трајковски, Несторовски.

Лихтенштајн со гол разлика 35:1 во квалификаиите

За репрезентацијата на Лихтенштајн нема што многу да се зборува. Нивниот ранкинг и нивните резултати говорат сами по себе. Оваа репрезентација последен пат се радувала на победа во март, 2015 година и тоа над аматерската репрезентација на Сан Марино со минимални 1:0. Лихтенштајн нема освоено ниту еден бод во овие квалификации и има една од најслабите одбрани во Европа со примени 35 гола на 9-те меча досега. Од друга страна постигнаа само еден гол и тоа против израел на гости кога загубија со 2:1 во еден од нивните најдобри мечеви овие квалификации. Потсетуваме, Македонија на првиот дуел на гости славеше лесна победа со 3:0. Селекцијата се состои пред се од фудбалери кои настапуваат во единствениот професионален тим во Лихтенштајн, Вадуз кој се натпреварува во Швајцарија.

Паурич без најдобрите против Македонија

Лихтенштајн допатува во Македонија без триото највлијателни играчи во репрезентацијата кои добија слобода да си заминат во своите екипи од селекторот Паурич. Во составот на Лихтенштајн ќе ги нема Марсел Бухер, Николас Хаслер и Франц Бургмејер. Колку овие фудбалери се важни за репрезентацијата, укажува и тоа што Марсел Бухел е играч на Верона,  Николас Хаслер настапува за Торонто во САД, а Франц Бургмејер во најдобрите денови играше за Базел, а моментално е стандарден фудбалер на Вадуз. Место нив во составот се повикани Арон Селе, Робин Губсер и Марко Волфингер. Ова се должи на тоа што селекторот Рене Паурич најави подмладување на репрезентацијата и давање шанси на фудбалери на кои би се сметало во иднината.

Формација 4-1-4-1: Јехле; Волфингер, Малин, Брандле, Гопел; Бухел; Полверино, Селе, Оспелт, Губсер; Ерне.

Наш предлог:

Да паднат над 2.5 гола @ 1.53 во бет365

Да паднат над 3.5 гола @ 2.25 во бет365

Полувреме / крај 1-1 @ 1.44 во бет365

Илија Несторовски да постигне гол @ 1.66 во бет365

1 Trackback / Pingback

  1. Македонија - Норвешка: најава, анализа и предлог тип - Kladenje.mk

Leave a Reply

Your email address will not be published.


*