За време на 13-те години во Манчестер Јунајтед, Вејн Руни освои пет титули во Премиер лигата, Лигата на шампионите, ФА Купот, три Лига Куп, а неодамна и Лигата на Европа. Тој беше PFA играч на годината во 2010 година и двапати Млад играч на годината. Руни заминува во историјата како најдобар голгетер на сите времиња, со 253 гола на 559 натпревари што е повеќе натпревари и од Брајан Робсон.
Сепак, останува впечатокот дека дел од неговиот потенцијал остана неискористен. Можеби тоа е делумно поради неверојатниот почеток на својата кариера на “Олд Трафорд”. Исто така стои и фактот дека тој беше жртва на сопствената разновидност, се пресели широко или побара да игра подлабоко за да се приспособи на помалку адаптибилните како што се Кристијано Роналдо, Робин ван Перси и Златан Ибрахимовиќ.
Неговиот однос со навивачите на Јунајтед можеби никогаш не се поправи од моментот во 2010 година, кога Руни ја објави својата желба да замине – потенцијално за Манчестер Сити – и распаѓањето на неговата врска со Сер Алекс Фергусон во 2013 година, исто така, ја оштети неговата положба во клубот.
Но, Руни е човек, исто како и остатокот од нас, способен за грешки, склон кон незрелост и подложен на лоши совети. За разлика од останатите, тој е и најголемиот англиски фудбалер на неговата генерација и одигра повеќе настапи за Јунајтед и освои повеќе трофеи, од Ерик Кантона, Кристијано Роналдо, Дејвид Бекам или Денис Прај. Но, дали Руни ќе биде дел од легендите?
Руни беше, исто како Рој Кин, тимскиот играч на Јунајтед. Способен за индивидуална генијалност, па ако некој има потреба од потсетување на неговата големина, тука се петте најдобри моменти во Манчестер Јунајтед на Руни.
Дебитантски хет-трик – 28 септември 2004 година
Јунајтед потпиша договор со 18-годишниот Руни од Евертон за 26 милиони фунти во август 2004 година. Во тоа време тој се опоравуваше од повредата на стапалото со која се здоби во натпревар одигран за Англија на Европското првенство тоа лето. Неговото деби беше одложено до крајот на септември – натпревар во Лигата на шампионите против Фенербахче. Дали ќе биде тоа што го очекуваа, или пак само ќе биде пропаднат производ? Постигна неверојатен хет-трик и оттогаш „Олд Трафорд“ имаше нов херој. Руни нема да игра во Лигата на шампионите следната сезона со Евертон, но Јунајтед имаат коефициент од 15.50 за освојување на трофејот.
Бомбастичен волеј на Руни против Њукасл – 24 април 2005 година
Уште еден белег од првата сезона на Руни на Олд Трафорд. Тешко е да се поверува сега, но Њукасл, заедно со Арсенал, беше еден од конкурентите на Јунајтед за потпишувањето на Руни претходното лето. Осум месеци подоцна го постигна овој фантастичен погодок и им покажа што пропуштиле.
Фантастични ножички против Манчестер Сити – 12 февруари 2011 година
Ако со нешто се искупи за обидот да замине за Сити во 2010 година, тоа е овој погодок неколку месеци подоцна. Во дербито на Манчестер беше 1-1 во второто полувреме кога топката преку Нани дојде до Руни. Тој ги нарече овие ножички неговиот најважен гол и веројатно тоа е најатрактивното нешто што воопшто се случило на ова градско дерби.
Хет-трик против Арсенал – 28 август 2011 година
Вториот најпознат хет-трик во репертоарот на Руни, поддржан со неверојатна игра каде Јунајтед го уништи Арсенал со 8-2 на Олд Трафорд. Јунајтед не ја освоија Премиер лигата оваа сезона, Сити ги засени во последното коло. Руни се врати следната сезона, овој пат играјќи зад Ван Перси, и Јунајтед ја врати титулата на Олд Трафорд во последната сезона на Сер Алекс Фергусон.
Од тогаш ја немаат освоено Премиер лигата, се надеваат оваа сезона, а коефициентот за освојување е 4.50.
Соборување на рекордот против Стоук Сити – 21 јануари 2017 година
На Руни му беше потребен еден гол за да достигне 250 постигнати погодоци и да го засени Боби Чарлтон кој пред тоа беше најголемиот стрелец на Јунајтед. При резултат 1-0 за Јунајтед на стадионот “Британија”, Жозе Мурињо го внесе во игра и во 94. минута Руни изведе прекрасен слободен удар. Тоа беше волшебен начин да се постави нов рекорд и потсетник дека во 31та година, Руни се уште има многу да понуди.
извор: betfair
Be the first to comment