Свеж од стартната победа во првото коло над Монпелје, Марсеј се враќа во недела на Велодром каде доаѓа екипата на Бордо, која целосно разочара во првото коло при поразот на домшен терен од Клермонт.
Марсеј со високи амбиции сезонава
Неверојатен меч одигра Марсеј на отварањето на сезоната. Монпелје водеше по првиот дел со 2:0, но Марсеј инспириран од Димитри Паје направи целосен пресврт и стигна до победа од 2:3. А беше интересно и на трибините. Конечно навивачите се вратија на стадионите, а пресвртот на Марсеј беше донесе до немили настани ммеѓу навивачите на Монпелје кои истрелаа “проектили” на теренот – од кои едниот го погоди Валентин Ронгиер. Имаше прекин на мечот, па откако се смирија страстите на трибините мечот продолжи но без промени на резултатот.
Лес Олимпиенс немаше пораз во последните осум домашни натпревари во сезоната 2020/21 – победувајќи на шест од нив – иако нивната одбрана не е баш на потребното ниво. Имаат високи цели сезонава, па победата над Монпелје би требало да биде само дополнителна инспирација за нив да продолжат со ист стил и пред своите навивачи, кои по долго време ќе се вратат на стадионот.
Петковиќ и Бордо тргнаа лошо
Со новиот сопственик Џерар Лопез и новиот тренер Владимир Петковиќ, сезонава за Бордо започна на најлош начин. Беа фаворити против новиот прволигаш Клермонт, но не само што забележаа пораз пред своите навивачи со 0:2, туку и целосно беа надиграни.
Мрежите мируваа до 82-та минута од средбата, кога Мохамед Бајо – најдобриот стрелец во Лига 2 минатата сезона, погоди за Клермонт, пред Досоу да ги постави конечните 0:2.
Бордо минатиот март беа под закана за испаѓање поради финансиски проблеми, но Петковиќ – кој ја презеде контролата откако ја предводеше Швајцарија до четврт финалето на ЕП 2020 – најавуваше сосема поинаква сезона. Сепак, првите знаци се разочарувачки. Можеби ќе му треба повеќе време од планираното, за да неговио систем почне да носи бодови.
Be the first to comment