Фулам во вечерта ќе го пречека Лидс Јунајтед на Крејвен Котиџ во Премиер лигата знаејќи дека со победа ќе го надминат Њукасл и ќе излезат од зоната за испаѓање.
Домашните ќе влезат во натпреварот по поразот од Манчестер Сити со 0:3 на домашен терен, додека Лидс, кој е на 12-то место, се надева на три бода откако одигра нерешено без голови против одличниот во последно време – Челзи.
Фулам со побега привремено ќе побегне од опасната зона
На почетокот на оваа сезона се чинеше дека Фулам е предодреден за брзо враќање во второто по ранг фудбалско ниво во Англија, но тимот на Скот Паркер со неколку добри игри сега си даде сериозна можност да избегне испаѓање.
Само два порази од последните осум натпревари во Премиерлигата има Фулам, а тоа им помогна да се придвижат кон безбедната зона. Во моментов тимот заостанува само со два бода помалку од 17-пласираниот Њукасл на табелата, но мора да се напомене дека Њукасл има натпревар помалку. Тоа пак значи дека секој бод за Фулам е од огромна важност.
Фулам освои три од последните седум меча во лигата, вклучително и неверојатната победа од 0:1 кај Ливерпул на 7-ми март, па затоа оној пораз од Сити во саботата не ги растресе премногу. Но тие имаат два порази по ред на домашен терен и сега сакаат победа.
Фактот дека Брајтон кој е на 16-то место во сабота се соочува со Њукасл, го прави овој меч уште поголем за Фулам, бидејќи по ова коло многу нешта ќе бидат појасни.
Лидс е мотивиран по ремито со Челзи
Во меѓувреме, Лидс ќе влезе во мечот по ремито без голови со Челзи, резултат кој беше одличен за тимот на Марсело Биелса со оглед на квалитетот и формата на противничката екипа.
Но Лидс и покрај тоа има пад во формата, па освоија само една победа од последните шест средби во Премиер лигата, иако имаа тешка серија и загубија од Арсенал, Вулвс, Астон Вила и Вест Хем.
Екипата на Биелса во моментов е на 12-та позиција на табелата, со пет бода помалку од 10-тиот Арсенал и 10 бодови повеќе од зоната за испаѓање, што значи дека тимот сепак треба да гледа нагоре на табелата.
Лидс всушност загуби 14 пати во Премиер лигата оваа сезона, што е повеќе од Фулам (13), но импресивните 11 победи од 28 натпревари им овозможија удобно да бидат на средината. Можеби најголема предност за нив на овој меч е што ќе играат растеретено и без притисок.
Be the first to comment