Фудбалските купови во Европа влегуваат во најинтересната фаза

Овие неколку дена, односно во текот на оваа работна недела во центарот на вниманието на фудбалската јавност на стариот континент се натпреварите во фудбалските купови во најфудбалските земји, со исклучок на Италија каде во вторники дреда ќе се играат лигашки натпревари. Во куповите веќе се приклучија и екипите од најдобрите лиги, што значи дека има еден куп интересни и привлечни натпревари.

АНГЛИЈА – ЛИГА КУП

Во Англија е време за едно од најмасовните натпреварувања Лига купот. На програмата се натпреварите од 16 финалето каде шест натпревари ќе се одиграат во вторник а другите две средби во среда.

Токму во среда ќе се одиграат и најпривлечните мечеви: Тотенхем – Вест Хем и Челзи – Евертон. Сепак и покрај тоа што во овие два меча меѓусебе ќе играат премиерлигашки екипи, тоа не мора да значи дека ќе следиме и премиерлигашка битка, со оглед на тоа што јасно е дека некои од екипите ќе ротираат и калкулираат со своите состави. Да почнеме со ред. Во вторник најпривлечен е мечот меѓу Свонси и Манчестер Јунајтед, а најавите се дека домаќините ќе играат во најсилниот состав, додека кога во прашање е Мурињо, однапред неможе ништо да се знае па Манчестер може да одигра и со вториот тим, но може да игра и со најдобрите па најдобро е да го избегнете овој меч на вашите тикети иако Јунајтед е фаворит со коефициент 1.50 во бет365. Арсенал е домаќин на Норвич и се освен победа на домаќинот ќе биде големо изненадување, без разлика на кој состав ќе се реши Венгер. Коефициентот за победа на Арсенал е 1.30. Бурнемут е домаќина на Мидлзборо и е фаворит за победа со коефициент 1.75, но според нас ова ќе биде неизвесен меч. Интересен и неизвесен меч очекуваме да биде и оној меќу Бристол Сити и Кристал Палас. Сити е апсолутен фаворит против Вулверхемптон со коефициент 1.10, додека за нас привлечен ќе биде мечот помеѓу Лестер и Лидс Јунајтед на Алиоски. Лидс падна со својата форма, па сега Лестер е голем фаворит со коефициент 1.50.

Е веќе во среда ќе биде многу поинтересно.Челзи е фаворит против Евертон со коефициент за победа 1.40 во бет365, но сеуште е нејасно со какви состави ќе настапат двата тима, додека во вториот дуел фаворит за победа е Тотенхем со коефициент 1.50 и на овој дуел без разлика на составите на екипите се очекува победа на домашниот тим. Најавите се дека Покетино ќе калкулира со составот, додека од друга страна иако од Вест Хем ги кријат картите, голема е веројатноста дека во продолжение целосно ќе се насочат кон Премиер Лигата и во Лига Купот ќе истрчаат со фудбалери кои ретко добиваат шанса на лигашки натпревари.

ДФБ КУП – ГЕРМАНИЈА

16 финале се игра и во Германија. Бундеслигаште разочараа во предходното коло кога од Купот испаднаа Хамбург и Аугсбург. Сега јасно е зошто се поставува прашањето: Кој е следниот бундеслигаш кој ќе испадне ? Баер Леверкузен и Борусија Менхенгладбах сигурно ќе имаат тешки задачи против Унион Берлин и против Фортуна Дизелдорф. Особено тешко ќе и биде на Менхенгладбах кој гостува кај Фортуна која е на добар пат сезонава и е прва во втората Бундеслига. Доста интересен ќе биде и дуелот помеѓу Мајнц и Кил, каде исто така може да има изненадување Ако тоа се мечевите на кој може да има изненадување, неопходно е да се спомене и дербито на ова коло во германскиот Куп, Лајпциг – Баерн Минхен, дуел кој привлекува најголемо внимание и кој ќе биде доста интересен за следење, особено што и двете екипи најавуваат победа и високи амбиции во купот.

КОПА ДЕЛ РЕЈ – ШПАНИЈА

Кралскиот куп во Шпанија или Копа дел Реј стигна до 16 финалето. Сите претставници на Примера Дивизион сега се приклучуваат во битката за трофејот. Сепак во оваа фаза ретко кога во Шпанија има дерби натпревари, а така е и овој пат, па Реал игра против Фуенлабрада,, Барселона против Мурсија, а Атлетико против Елче. Но, затоа Валенсија ќе има тешка задача против Сарагоса, а пак Малага можеби дури не е ниту фаворит во мечот против Нумансија. Мора да истакнеме дека ова ќе бидат само први мечеви од 16 финалето, додека за две недели ќе се играат и реванш натпреварите па според тоа се очекува екипите да бидат доста претпазливи.